صدر مملکت نے بچوں کی شادی کی ممانعت کے بل پر دستخط کر دیئے

صدر مملکت آصف علی زرداری کا بچوں کی شادی کی ممانعت کا بل

اسلام آباد(ڈیلی پاکستان آن لائن) صدر مملکت آصف علی زرداری نے بچوں کی شادی کی ممانعت کے بل پر دستخط کر دیئے۔

یہ بھی پڑھیں: امید تھی کہ شکنجے میں آتے ہی ان کا قبلہ درست ہو جائے گا، رپورٹ رات کو دیکھ لی تھی، بے چارے کو آتا جاتا کچھ نہیں تھا، آئیں بائیں شائیں مارتا رہا۔

نئے قانون کی تفصیلات

نجی ٹی وی چینل جیو نیوز کے مطابق، اس قانون کے تحت نکاح خواں کسی بھی ایسا نکاح نہیں پڑھائے گا جہاں ایک یا دونوں فریق کی عمر 18 سال سے کم ہو۔ اس کی خلاف ورزی کرنے پر نکاح خواں کو ایک سال قید اور ایک لاکھ روپے جرمانے کا سامنا کرنا پڑ سکتا ہے۔

یہ بھی پڑھیں: منی لانڈرنگ کا الزام، ارب پتی مکیش امبانی کے بھائی انیل امبانی کے بھارت چھوڑنے پر پابندی

سزائیں اور جرمانے

اگر 18 سال سے بڑی عمر کا مرد کم عمر لڑکی سے شادی کرتا ہے تو اسے 3 سال تک قید بامشقت کے علاوہ دیگر سزائیں مل سکتی ہیں۔

یہ بھی پڑھیں: پشاور ہائی کورٹ نے پی ٹی اے کو ٹک ٹاک سے غیر اخلاقی مواد ہٹانے کا حکم دے دیا

بل کی پیشی

بچوں کی شادی کی ممانعت کا بل قومی اسمبلی میں شرمیلا فاروقی نے پیش کیا تھا جبکہ سینیٹ میں یہ بل شیری رحمان نے پیش کیا تھا۔

عدالتی احکامات اور تحفظ

قانون میں یہ بھی کہا گیا ہے کہ اگر عدالت کو علم ہو جائے کہ کم عمر بچوں کی شادی کی جا رہی ہے تو وہ ایسی شادی کو روکنے کے لیے حکم جاری کرے گی۔ اگر عدالت کو اطلاع دینے والا فریق اپنی شناخت چھپانا چاہے تو عدالت اسے تحفظ فراہم کرے گی۔