یکم جون سے پیٹرولیم مصنوعات کی قیمتوں میں کتنی کمی متوقع؟جانیے

پیٹرولیم مصنوعات کی قیمتوں میں متوقع تبدیلی

اسلام آباد (ڈیلی پاکستان آن لائن) عالمی مارکیٹ میں پیٹرولیم مصنوعات کی قیمتوں میں اتار چڑھاؤ کے باعث یکم جون سے پیٹرولیم مصنوعات کی قیمتوں میں معمولی ردوبدل متوقع ہے۔

یہ بھی پڑھیں: 37ڈبل اے سے 30ستمبر تک ملک بھر کی ملیں بند ہو جائیں گی،صدر لاہورچیمبر آف کامرس اینڈ انڈسٹری

اوگرا کی سمری

نجی ٹی وی سما نیوز کے مطابق، آئل انڈسٹری نے پیٹرولیم مصنوعات کے متعلق ورکنگ پیپر اوگرا کو بھجوا دیا ہے۔ اوگرا پیٹرولیم مصنوعات کی قیمتوں میں ردوبدل کی سمری 31 مئی کو بھیجے گا۔

یہ بھی پڑھیں: وزیراعلیٰ پنجاب کی چیئرمین پی اینڈ ڈی نبیل اعوان رہائش گاہ آمد، والدہ کے انتقال پر تعزیت کی

قیمتوں میں کمی اور اضافہ

ذرائع کے مطابق، یکم جون سے پیٹرول کی فی لیٹر قیمت میں 61 پیسے اور ہائی سپیڈ کی قیمت میں 28 پیسے فی لیٹر کمی کا امکان ہے۔ مٹی کے تیل کی قیمت میں 21 پیسے اور لائٹ ڈیزل کے نرخ میں ایک روپیہ 30 پیسے فی لیٹر اضافے کا امکان ہے۔

حتمی فیصلہ

حکومت اوگرا ورکنگ پیپر کے مطابق حتمی فیصلہ وزیراعظم کی مشاورت سے کرے گی۔ وزارت خزانہ وزیراعظم کی حتمی منظوری سے نوٹیفکیشن جاری کرے گی۔ حکومت پیٹرولیم مصنوعات پر ریلیف کم یا زیادہ کرنے کا اختیار بھی استعمال کر سکتی ہے۔