بھارت سے آنے والے دریائے چناب کے بہاؤ میں 54 ہزار کیوسک کی کمی ریکارڈ، پریشان کن تفصیلات سامنے آگئیں

دریائے چناب میں پانی کی آمد میں کمی

لاہور (آئی این پی) بھارت سے پاکستان میں داخل ہونے والے دریائے چناب کے بہاؤ میں بڑی کمی واقع ہوگئی۔ گزشتہ روز کے مقابلے ہیڈمرالہ میں دریائے چناب پر پانی کی آمد میں 54 ہزار 200 کیوسک کی کمی ریکارڈ کی گئی۔

یہ بھی پڑھیں: پنجاب میں سیلاب سے 46 افراد جاں بحق

ہیڈ مرالہ پر پانی کی صورتحال

ترجمان واپڈا کے مطابق، ہیڈ مرالہ کے مقام پر دریائے چناب میں پانی کی آمد 44 ہزار 800 کیوسک رہ گئی ہے جبکہ گزشتہ روز یہاں پانی کی آمد 98 ہزار 200 کیوسک تھی۔

یہ بھی پڑھیں: ایرانی پارلیمنٹ نے روس کے ساتھ 20 سالہ سٹریٹیجک شراکت داری کی منظوری دے دی

دیگر دریاؤں کی صورتحال

ترجمان کے مطابق دریائے سندھ میں تربیلا کے مقام پر پانی کی آمد ایک لاکھ 77 ہزار 500 کیوسک جبکہ اخراج ایک لاکھ 52 ہزار کیوسک ہے۔ اسی طرح منگلا کے مقام پر دریائے جہلم میں پانی کی آمد 39 ہزار 600 کیوسک جبکہ اخراج 10 ہزار 800 کیوسک ہے۔

یہ بھی پڑھیں: امریکہ کے مشہور ترین گلوکار بریٹ جیمز فیملی سمیت طیارہ حادثے میں ہلاک

چشمہ بیراج کے اعداد و شمار

چشمہ بیراج میں پانی کی آمد 2 لاکھ 28 ہزار 700 کیوسک اور اخراج ایک لاکھ 83 ہزار کیوسک ہے۔ ہیڈ مرالہ کے مقام پر دریائے چناب میں پانی کی آمد 44 ہزار 800 کیوسک اور اخراج 17 ہزار 100 کیوسک ہے۔

یہ بھی پڑھیں: پی ٹی آئی ایک پروپیگنڈا جماعت ہے، عظمیٰ بخاری

دریائے کابل اور ڈیمز کی صورتحال

دریائے کابل میں نوشہرہ کے مقام پر پانی کی آمد 37 ہزار 100 کیوسک اور اخراج بھی 37 ہزار 100 کیوسک ہے۔ تربیلا ڈیم میں آج پانی کی سطح 1478.03 فٹ اور پانی کا ذخیرہ 21 لاکھ 39 ہزار ایکڑ فٹ ہے۔

یہ بھی پڑھیں: مالی سال کے ابتدائی 5ماہ میں پاکستان ریلوے کو ریکارڈ آمدن حاصل

منگلا اور چشمہ ریزروائر کی معلومات

ترجمان واپڈا کے مطابق، منگلا ریزروائر میں آج پانی کی سطح 1161.05 فٹ جبکہ پانی کا ذخیرہ 21 لاکھ 68 ہزار ایکڑ فٹ ہے۔ چشمہ ریزروائر میں آج پانی کی سطح 647.20 فٹ اور پانی کا ذخیرہ 2 لاکھ 21 ہزار ایکڑ فٹ ہے۔