جنوبی ایشیا میں اسٹریٹیجک استحکام کے لیے مسئلہ کشمیر کا پرامن حل ضروری، پاکستان کو کبھی بھی دباؤ میں نہیں لایا جا سکتا: فیلڈ مارشل سید عاصم منیر

فیلڈ مارشل سید عاصم منیر کا بیان

کوئٹہ (ڈیلی پاکستان آن لائن) پاک فوج کے سربراہ فیلڈ مارشل سید عاصم منیر نے کہا ہے کہ معرکۂ حق کی کامیابی ہمارے قومی عزم اور تمام قومی اداروں کی مکمل ہم آہنگی کا ثبوت ہے۔ پاکستان کو کبھی بھی دباؤ میں نہیں لایا جا سکتا۔ جنوبی ایشیا میں اسٹریٹیجک استحکام کے لیے مسئلہ کشمیر کا پرامن حل ضروری ہے۔

یہ بھی پڑھیں: پنجاب میں چھوٹے کاروبار کے فروغ کیلئے ”کاروبار کارڈ“ سکیم متعارف کرانے کا فیصلہ ،کتنا قرض دیا جائیگا؟ جانیے

کمانڈ اینڈ اسٹاف کالج کوئٹہ کا دورہ

پاک فوج کے شعبۂ تعلقاتِ عامہ (آئی ایس پی آر) کے مطابق، فیلڈ مارشل سید عاصم منیر نے آج کمانڈ اینڈ اسٹاف کالج کوئٹہ کا دورہ کیا۔ کوئٹہ آمد پر فیلڈ مارشل عاصم منیر کا استقبال کمانڈر کوئٹہ کور اور کمانڈنٹ کمانڈ اینڈ اسٹاف کالج نے کیا۔ اس موقع پر انہوں نے طلباء، افسران اور فیکلٹی سے خطاب کرتے ہوئے "آپریشن بنیان مرصوص" کے شہداء کو خراجِ عقیدت پیش کیا اور افواجِ پاکستان کی پیشہ ورانہ مہارت کو سراہا۔

یہ بھی پڑھیں: جب تک سیلاب متاثرین کو سہولیات نہیں دے دی جاتیں، میں یہیں موجود ہوں” سینئر وزیر پنجاب مریم اورنگزیب 5 دن سے جنوبی پنجاب میں موجود، علی پور میں کیمپ لگا لیا۔

عالمی و علاقائی صورتِ حال

عالمی اور علاقائی صورتِ حال پر بات کرتے ہوئے فیلڈ مارشل نے ابھرتے ہوئے تنازعات کی نوعیت پر روشنی ڈالی اور پاکستان کے خلاف بھارت کی بلا اشتعال جارحیت کے بڑھتے رجحان کو خطرناک قرار دیا۔ انہوں نے جارحیت کو شکست دینے کے عزم کا اعادہ کیا۔

یہ بھی پڑھیں: عیدالاضحیٰ پر یوٹیلیٹی سٹورز پر مصالحہ جات کی قیمتوں میں نمایاں کمی

دہشت گردی کے خلاف عزم

آرمی چیف فیلڈ مارشل عاصم منیر نے کہا کہ قومی قیادت کے تحت پاکستان کے عوام مادرِ وطن کے دفاع کے لیے فولادی دیوار بن گئے ہیں۔ دہشت گردی کے خلاف پاکستان کی کوششوں کو سبوتاژ کرنے کے عزائم ناکام بنائے جائیں گے، اور مسئلہ کشمیر کا پُرامن حل جنوبی ایشیاء میں تزویراتی استحکام کے لیے ضروری ہے۔

یہ بھی پڑھیں: بنگلہ دیش فوج کے لیفٹیننٹ جنرل محمد فیض الرحمٰن کی چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات

بھارت کی آبی دہشت گردی

فیلڈ مارشل سید عاصم منیر نے بھارت کی غیر قانونی اور غیر اخلاقی آبی دہشت گردی اور پاکستان میں دہشت گردی کی بھارتی سرپرستی پر بھی بات کی۔

یہ بھی پڑھیں: عمران خان کی رہائی تک چین سے نہیں بیٹھوں گا: اعظم سواتی

انسدادِ دہشت گردی کی مہم

انہوں نے انسدادِ دہشت گردی کی مہم کو مزید مؤثر بنانے پر زور دیا اور کہا کہ دہشت گردی کے خلاف جنگ ہر صورت منطقی انجام تک پہنچائی جائے گی۔ طلباء اور افسران کو اپنی ذمہ داریاں لگن, جذبے اور عزم کے ساتھ ادا کرنے کی تلقین کی گئی اور جدید سوچ اور تحقیق کی ضرورت پر زور دیا گیا۔

کمانڈ اینڈ اسٹاف کالج کی کوششیں

فیلڈ مارشل سید عاصم منیر نے کمانڈ اینڈ سٹاف کالج کوئٹہ کی کوششوں کو سراہتے ہوئے کہا کہ تربیت نہ صرف موجودہ حالات کی عکاس ہونی چاہیے بلکہ مستقبل کے میدانِ جنگ کے لیے بھی تیار کرے۔