دریائے چناب میں پانی کی آمد میں اچانک بڑی کمی ریکارڈ

دریائے چناب میں پانی کی آمد میں بڑی کمی

اسلام آباد (ڈیلی پاکستان آن لائن) واپڈا کے تازہ ترین اعداد و شمار کے مطابق دریائے چناب میں پانی کی آمد میں دو روز کے دوران 91 ہزار 600 کیوسک کی بڑی کمی ریکارڈ کی گئی ہے۔

یہ بھی پڑھیں: سب بند گلی میں ہیں، عمران خان نے ناکامیوں کا ریکارڈ بنا رکھا ہے، کیسے مان لوں احتجاج کامیاب ہوگا؟ حافظ اللہ نیازی کھل کر بول پڑے۔

پانی کی آمد کی تفصیلات

نجی ٹی وی سما نیوز کے مطابق 29 مئی کو دریائے چناب میں پانی کی آمد 98 ہزار 800 کیوسک تھی، جو 30 مئی کو گھٹ کر 44 ہزار 600 کیوسک رہ گئی۔ 31 مئی کو یہ مقدار صرف 7 ہزار 200 کیوسک ریکارڈ کی گئی۔

یہ بھی پڑھیں: ایپکس کمیٹی کے فیصلے کی روشنی میں کرم کو اسلحہ سے پاک کیا جائیگا: بیرسٹر سیف

منگلا ڈیم کی صورتحال

دوسری جانب منگلا ڈیم میں پانی کی آمد میں ایک ہزار کیوسک اضافہ ہوا ہے۔ واپڈا کے مطابق گزشتہ روز پانی کی آمد 39 ہزار کیوسک تھی، جو آج 40 ہزار 200 کیوسک ہو گئی ہے۔

دریائے سندھ اور دریائے کابل کی صورت حال

ادھر دریائے سندھ میں بھی پانی کی آمد میں 22 ہزار کیوسک کی کمی نوٹ کی گئی ہے۔ چشمہ بیراج میں پانی کی آمد میں 14 ہزار کیوسک جبکہ دریائے کابل میں 3700 کیوسک کی کمی ریکارڈ کی گئی ہے۔