کراچی، دوست کے ہاتھوں نوجوان ہلاک،ملزم تھانے پیش ہو گیا

فائرنگ کا واقعہ

کراچی(ڈیلی پاکستان آن لائن) شہر قائد میں حسین آباد کے علاقے میں پیش آنے والے فائرنگ کے واقعے میں نوجوان حارث ولد عبدالعزیز جاں بحق ہو گیا۔

یہ بھی پڑھیں: میو ہسپتال کے شعبہ امراض قلب میں طبی سامان کی شدید قلت ، آپریشن بند ،مریض پریشان ، احتجاجی مراسلے میں حیران کن انکشافات

تفصیلات

نجی ٹی وی چینل ایکسپریس نیوز کے مطابق واقعہ کل جمعہ کی صبح پیش آیا تھا، جب مقتول کو گولی مار کر قتل کیا گیا۔ پولیس کے مطابق مقتول عزیزآباد دو نمبر کا رہائشی اور بائیک رائیڈر تھا۔

یہ بھی پڑھیں: 26 ویں ترمیم میں حکومت جن 35 شقوں سے دستبردار ہوئی، اگر انہی میں سے کوئی چیز 27 ویں ترمیم میں پاس کی جاتی ہے تو ہم اسے پارلیمنٹ کی توہین سمجھتے ہیں، مولانا فضل الرحمان

ملزم کی گرفتاری

پولیس کا کہنا ہے کہ واقعے کے بعد ملزم دلاور نے ازخود تھانے میں پیش ہو کر گرفتاری دے دی، جبکہ اس کا وڈیو بیان بھی منظرعام پر آ چکا ہے۔

یہ بھی پڑھیں: دروازہ بند کروا کر فیصلہ سناتا ہوں، موت کی سزا کا سن کر بڑے بڑے بدمعاش اور قاتلوں کے رنگ اڑ جاتے ہیں، یوں لگتا ہے جیسے جسم میں خون ہی نہیں رہا۔

ملزم کا بیان

بیان میں دلاور نے مؤقف اختیار کیا کہ مقتول حارث اس کا بچپن کا دوست تھا اور وہ میرے باڑے میں آیا تھا، جہاں میرا لوڈ پستول رکھا ہوا تھا۔ دلاور کا کہنا ہے کہ انجانے میں گولی چل گئی، اس کا کوئی ارادہ نہیں تھا۔

یہ بھی پڑھیں: اسلام آباد میں ایم ٹیگ کے بغیر گاڑیوں کے داخلے پر پابندی کی ڈیڈ لائن میں توسیع

واقعے کی تحقیقات

ملزم نے مزید بتایا کہ فائرنگ کے بعد وہ خود حارث کو اسپتال لے کر گیا، جبکہ مقتول راستے میں اس سے باتیں بھی کرتا رہا۔ دلاور نے حارث کے اہل خانہ اور دیگر افراد سے معذرت کرتے ہوئے کہا ہے کہ یہ ایک حادثاتی واقعہ تھا، جس پر وہ دل سے معافی کا طلبگار ہے۔

پولیس کی تفتیش

پولیس کا کہنا ہے کہ ملزم کے قبضے سے برآمد ہونے والے اسلحے کا کوئی لائسنس تاحال پیش نہیں کیا جا سکا، جبکہ ابتدائی تفتیش میں ملزم کے دوستوں نے غلط بیانی کر کے پولیس کو گمراہ کرنے کی کوشش کی۔