عیدالاضحیٰ پر عارضی نصب جھولوں پر پابندی عائد

پنجاب حکومت کی نئی پابندی

لاہور(ڈیلی پاکستان آن لائن) حکومت پنجاب نے عیدالاضحیٰ کے موقع پر عوامی تحفظ کیلئے عارضی نصب ہونیوالے مکینیکل جھولوں پر پابندی عائد کردی۔ تفریحی پارکوں میں مستقل بنیادوں پر نصب مکینیکل جھولوں کیلئے فٹنس سرٹیفکیٹ بھی لازمی قرار دیدیا گیا۔

یہ بھی پڑھیں: ایرانی سپریم لیڈر کا سنگ دلانہ قتل عالمی قوانین کی کھلی خلاف ورزی ہے، روسی صدر پیوٹن

عارضی جھولوں پر پابندی

نجی ٹی وی سما نیوز کے مطابق حکومت پنجاب نے عوامی تحفظ کیلئے اہم فیصلہ کرتے ہوئے عیدالاضحی پر عارضی نصب ہونیوالے مکینیکل جھولوں پر پابندی عائد کردی۔

یہ بھی پڑھیں: ملازم ہی شوروم سے ساڑھے 3 کروڑ روپے سے زائد کی جیولری اور نقدی چوری کر کے فرار

فٹنس سرٹیفکیٹ کی ضرورت

نوٹیفکیشن کے مطابق تفریحی پارکس میں مستقل بنیادوں پر نصب مکینیکل جھولوں کیلئے فٹنس سرٹیفکیٹ لازمی قرار دیا گیا ہے۔

یہ بھی پڑھیں: میری بیٹی آپ کو انکل سمجھتی تھی، آپ نے اسے کھلونے کی طرح استعمال کیا: آسٹریلیا میں درجنوں بچیوں کے ریپ کا مجرم عمر قید کی سزا یافتہ

فٹنس سرٹیفکیٹ کا حصول

متن میں کہا گیا ہے کہ مستقل نصب مکینیکل جھولوں کے مالکان یا آپریٹرز ڈپٹی کمشنرز سے فٹنس سرٹیفکیٹ حاصل کریں، ضلعی انتظامیہ تصدیق کرے کہ ہر مکینیکل جھولا حفاظت کے معیارات پر پورا اترتا ہے۔

یہ بھی پڑھیں: مصروف دفتری اوقات میں ورزش کرنے کے طریقے

انسانی جانوں کی حفاظت

نوٹیفکیشن کے مطابق پابندی کا فیصلہ انسانی جانوں کی حفاظت کیلئے کیا گیا ہے، پنجاب بھر میں ضلعی انتظامیہ حکم نامے پر عملدرآمد یقینی بنائے۔

ہدایات برائے ضلعی انتظامیہ

محکمہ داخلہ پنجاب نے صوبہ بھر کے ڈپٹی کمشنرز کو جھولوں پر پابندی سے متعلق ہدایت جاری کردی۔