اسحاق ڈار کا افغان ہم منصب سے ٹیلی فونک رابطہ، دونوں ممالک کا تعاون جاری رکھنے پر اتفاق

ٹیلیفونک رابطہ

اسلام آباد (ڈیلی پاکستان آن لائن ) نائب وزیراعظم و وزیر خارجہ اسحاق ڈار کا افغان ہم منصب امیر خان سے ٹیلیفونک رابطہ ہوا، جس میں دونوں جانب سے سفارتی تعلقات کو سفیروں کی سطح تک بڑھانے کے فیصلوں کا خیر مقدم کیا گیا۔

یہ بھی پڑھیں: ملک بھر میں 5 جولائی تک وقفے وقفے سے بارشوں کی پیشگوئی

سفارتخانے کی اپ گریڈیشن

نجی ٹی وی جیو نیوز کے مطابق دو روز قبل وزیر خارجہ اسحاق ڈار نے افغانستان میں اپنے سفارتخانے کو سفیر کی سطح پر اپ گریڈ کرنے کا اعلان کیا تھا۔ اس کے جواب میں افغانستان نے بھی گزشتہ روز اسلام آباد میں تعینات اپنے ناظم الامور کو سفیر کی سطح تک بڑھا دیا تھا۔

یہ بھی پڑھیں: حکام کی غفلت سے دریائے سوات میں 17افراد جاں بحق ہوئے،پشاور ہائی کورٹ نے سانحہ سوات پر تحریری حکم نامہ جاری کردیا

سفارتی تعلقات کی بہتری

ترجمان دفتر خارجہ کا بتانا ہے کہ آج وزیر خارجہ اسحاق ڈار کا افغان ہم منصب امیر خان متقی سے ٹیلیفونک رابطہ ہوا، جس میں افغان وزیر خارجہ امیر خان نے پاکستان کی جانب سے سفارتی تعلقات سفیر کی سطح تک بڑھانے کے فیصلے کا خیرمقدم کیا۔

یہ بھی پڑھیں: اداکار وشال نے شیفالی کے ساتھ ہونیوالی آخری چیٹ کا سکرین شاٹ شیئر کردیا

تعاون کا عزم

دفتر خارجہ کے ترجمان کا کہنا ہے کہ امیر خان متقی نے آگاہ کیا کہ افغانستان نے بھی اسی نوعیت کا قدم اٹھانے کا فیصلہ کیا، جسے انہوں نے دونوں ممالک کے تعلقات کے لیے مثبت اور خوش آئند قرار دیا۔

یہ بھی پڑھیں: ایف بی آر کو ٹیکس وصولیوں میں بدترین شارٹ فال، خسارہ 1016 ارب روپے تک پہنچ گیا

میٹنگ کے نتائج

ترجمان دفتر خارجہ کے مطابق دونوں وزرائے خارجہ نے 19 اپریل کی ملاقات میں طے پانے والے فیصلوں پر عملدرآمد کا جائزہ لیا اور باہمی اعتماد کے فروغ کے لیے قریبی تعاون جاری رکھنے پر اتفاق کیا۔

علاقائی روابط کی اہمیت

اس کے علاوہ ٹیلیفونک رابطے میں علاقائی روابط کے لیے ازبکستان افغانستان پاکستان ریلوے منصوبے کی اہمیت پر زور دیا گیا اور ازبکستان افغانستان پاکستان ریلوے منصوبے کی جلد تکمیل کے لیے فریم ورک معاہدے کو حتمی شکل دینے پر اتفاق بھی کیا گیا۔