دریاﺅں اور آبی ذخیروں سے متعلق واپڈا کی رپورٹ جاری

اسلام آباد (ڈیلی پاکستان آن لائن ) واپڈا نے دریاﺅں اور آبی ذخیروں کی صورتحال سے متعلق رپورٹ جاری کر دی۔

دریائے سندھ کی صورتحال

نجی ٹی وی جیونیوز کی رپورٹ کے مطابق، ترجمان واپڈا کی جانب سے بتایا گیا ہے کہ دریائے سندھ میں پانی کی آمد 1 لاکھ 32 ہزار 300 کیوسک اور اخراج ایک لاکھ 45 ہزار کیوسک ہے۔

دریائے جہلم اور چناب کا تجزیہ

منگلا کے مقام پر دریائے جہلم میں پانی کی آمد 36 ہزار 700 کیوسک اور اخراج 25 ہزار کیوسک ہے۔ جبکہ ہیڈمرالہ کے مقام پر دریائے چناب میں پانی کی آمد 30 ہزار 600 کیوسک اور اخراج 10 ہزار 300 کیوسک ہے۔

دریائے کابل کی صورتحال

نوشہرہ پر دریائے کابل میں پانی کی آمد 29 ہزار 900 کیوسک اور اخراج بھی 29 ہزار 900 کیوسک ہے۔

آبی ذخائر کی سطح

ترجمان واپڈا نے مزید بتایا کہ تربیلاریزروائر میں پانی کی سطح 1477.88 فٹ، پانی کا ذخیرہ 21 لاکھ 32 ایکڑ فٹ ہے۔ منگلاریزروائر میں پانی کی سطح 1162.50 فٹ اور پانی کا ذخیرہ 22 لاکھ 35 ہزار ایکڑ فٹ ہے۔

چشمہ ریزروائر کی تفصیلات

ترجمان کے مطابق، چشمہ ریزروائر میں پانی کی سطح 647 فٹ اور پانی کا ذخیرہ 2 لاکھ 12 ہزار ایکڑ فٹ ہے جبکہ منگلا اور چشمہ ریزروائر میں قابل استعمال پانی کا ذخیرہ 45 لاکھ 79 ہزار ایکڑ فٹ ہے۔