اندرونی یا بیرونی، دشمن کی ہر سازش کو ناکام بنائیں گے، فیلڈ مارشل عاصم منیر

فیلڈ مارشل عاصم منیر کا عزم

کوئٹہ (ڈیلی پاکستان آن لائن) فیلڈ مارشل عاصم منیر کا کہنا ہے کہ اندرونی ہو یا بیرونی، دشمن کی ہر سازش کو ناکام بنائیں گے۔

یہ بھی پڑھیں: الحمدللہ! ہر میدان سے خوشیوں اور خوش خبریوں کی ہوا چل پڑی ہے: وزیر اعلیٰ کی ارشد ندیم اور یاسر سلطان کو مبارکباد

دشمن کی سازشیں اور بھارتی اثرات

نجی ٹی وی سما نیوز کے مطابق وزیراعظم شہباز شریف کے ہمراہ کوئٹہ میں گرینڈ جرگے سے خطاب میں فیلڈ مارشل عاصم منیر نے کہا کہ بلوچستان میں دہشتگردی کے نیٹ ورکس کے پیچھے بھارت کا ہاتھ ہے، بھارتی پراکسی وار اب چھپی ہوئی نہیں بلکہ کھلی جارحیت میں تبدیل ہو چکی۔

یہ بھی پڑھیں: میں اپنے بچے کے ڈائپر خود تبدیل کرتا ہوں: محب مرزا

بلوچستان میں امن کا عزم

آرمی چیف عاصم منیر نے کہا کہ بلوچستان میں امن پر سودے بازی ہر گز نہیں ہوگی، پاکستان کا مستقبل بلوچستان سے جڑا ہے، دشمن کی ہر سازش کو ناکام بنائیں گے، چاہے اندرونی ہو یا بیرونی، پاک فوج ہر خطرے کا بھرپور جواب دینے کیلئے تیار ہے۔

یہ بھی پڑھیں: بعض قلی اتنے ضعیف اور نڈھال ہوتے ہیں کہ سامان اٹھا کر لڑ کھڑاتے پھرتے ہیں دھڑکا لگا رہتا ہے کہیں خود ہی نہ گر جائیں یا سامان نیچے نہ پھینک دیں

وزیر اعظم کا پیغام

اس موقع پر قبائلی عمائدین سے خطاب میں وزیراعظم شہباز شریف نے کہا کہ شہدا کے لواحقین کو مکمل تعاون فراہم کیا جائے گا، بھارت بلوچستان میں تخریب کاری کے ذریعے امن و ترقی کو نشانہ بنا رہا ہے، ریاستی ادارے عوامی حمایت سے دہشتگردی کے خلاف جنگ منطقی انجام تک پہنچائیں گے۔

دہشتگردی کے خلاف جنگ

وزیراعظم نے کہا کہ فتنہ الہندوستان جیسے دہشتگرد گروہ عوامی حمایت حاصل کرنے کی کوشش کر رہے ہیں، دہشتگردوں کو معاشرے میں جگہ نہیں ملنی چاہیے، بلوچستان کی ترقی کیلئے بڑے پیکجز متعارف کروائے، ثمرات عوام تک پہنچنے چاہئیں، بلوچ عوام نے قومی وحدت کے لیے تاریخی کردار ادا کیا ہے.