چین اور روس پاکستان کے ساتھ کھڑے ہیں، بھارت کے ساتھ کون ہے؟ اہم بھارتی شخصیت نے سوال اٹھا دیا۔

پون کھیرا کا بیان

ممبئی (ڈیلی پاکستان آن لائن) انڈین نیشنل کانگریس کے چیئرمین برائے میڈیا اینڈ پبلسٹی ڈپارٹمنٹ پون کھیرا نے کہا ہے کہ چین اور روس پاکستان کے ساتھ کھڑے ہیں اور امریکا بھی بھارت کو دھمکا رہا ہے۔

یہ بھی پڑھیں: عمران خان نے کہا ہے کہ اگر مجھے جیل میں کچھ ہوا تو اس کا ذمہ دار آرمی چیف ہوں گے: علیمہ خان

وزیراعظم مودی سے سوال

پون کھیرا نے بھارتی وزیراعظم نریندر مودی سے سوال کیا ہے کہ آپ کی خارجہ پالیسی کہاں ہے؟ پاکستان تو عالمی سطح پر کامیابیاں سمیٹ رہا ہے۔

یہ بھی پڑھیں: ملک میں سیکیورٹی فورسز اور لیویز کا مشترکہ آپریشن، فتنہ الخوارج کے 2 ٹھکانے تباہ، 9 دہشت گرد ہلاک، 8 گرفتار، بھاری مقدار میں اسلحہ اور گولہ بارود برآمد

پاکستان کی عالمی حیثیت

پون کھیرا نے اپنے بیان میں کہا کہ کویت نے پاکستان پر ویزا پابندیاں ختم کردیں، کولمبیا پاکستان کے ساتھ کھڑا ہے، بتائیں کون سا ملک آج بھارت کے ساتھ کھڑا ہے؟

یہ بھی پڑھیں: پاکستان کا سب سے بڑا بکرا، وزن ساڑھے 6 من

بھارت کے لیے افسوسناک لمحہ

انہوں نے کہا کہ بھارت کیلئے یہ افسوسناک لمحہ ہے کہ روس بھی اب پاکستان کے ساتھ معاہدے طے کر رہا ہے، بھارت کے قریبی دوست روس نے پاکستان کے ساتھ 2.6 بلین کے معاہدوں پر دستخط کیے۔

گلف ممالک کے معاہدے

پون کھیرا نے کہا کہ کویت، ایران اور دیگر گلف ممالک بھی پاکستان کے ساتھ معاہدے طے کر رہے ہیں۔ انہوں نے مزید کہا کہ مودی کی خارجہ پالیسی یا ملکی سیکیورٹی پر سوال اٹھاؤ تو غدار قرار دے دیا جاتا ہے، بھارت کی سفارتی اور خارجہ پالیسی پر سوال اٹھ رہے ہیں، جو کہ اٹھنے چاہئیں۔