بنگلہ دیش: نئے کرنسی نوٹوں سے شیخ مجیب الرحمٰن کی تصویر ہٹا دی گئی

نئی کرنسی نوٹ کا اجرا

ڈھا کا (ڈیلی پاکستان آن لائن) بنگلہ دیش نے اتوار کے روز نئی سیریز کے بینک نوٹ جاری کئے ہیں جن پر ملک کے بانی اور سابق صدر شیخ مجیب الرحمٰن کی تصویر شامل نہیں ہے۔

یہ بھی پڑھیں: کراچی میں پانی کے گڑھے میں ڈوب کر 2 کمسن بچے جاں بحق

نگران حکومت کا قیام

نجی ٹی وی سما کے مطابق بنگلہ دیش میں سابق وزیر اعظم شیخ حسینہ کے اقتدار کے خاتمے اور ان کے بھارت فرار ہونے کے بعد نگران حکومت قائم کی گئی ہے جس کی قیادت معروف ماہر معیشت محمد یونس کر رہے ہیں۔ نئی حکومت کے قیام کے بعد یہ پہلی بار ہے کہ مرکزی بینک نے نوٹوں کے ڈیزائن میں نمایاں تبدیلی کی ہے۔

یہ بھی پڑھیں: وزیر اعظم نے بلوچستان سے تعلق رکھنے والی طالبہ کو اپنی کرسی پر بٹھا دیا

نوٹوں پر انسانی شخصیات کی عدم شمولیت

مرکزی بینک کے ترجمان عارف حسین خان نے اے ایف پی کو بتایا کہ اب نوٹوں پر کسی انسانی شخصیت کی تصویر شامل نہیں کی جائے گی اور اس کے بجائے قدرتی مناظر، تاریخی مقامات، مندروں، محلات اور دوسرے ثقافتی ورثے کو اجاگر کرنے والی تصاویر نوٹوں پر شامل کی گئی ہیں۔

یہ بھی پڑھیں: وزیراعلیٰ مریم نواز نے راولپنڈی میں نواز شریف فلائی اوور سمیت کئی ترقیاتی منصوبوں کا افتتاح کردیا

فن پارے اور یادگاریں

نئے ڈیزائن میں بنگالی مصور زین العابدین کے بنگال کے قحط پر بنائے گئے معروف فن پارے کو بھی جگہ دی گئی ہے۔ اس کے علاوہ پاکستان سے آزادی کی جنگ کے شہداء کی یادگار "نیشنل مارٹرز میموریل" بھی ایک نوٹ پر دکھائی دے گی۔

یہ بھی پڑھیں: ملک بھر میں یوم فضائیہ آج انتہائی جوش و جذبے سے منایا جا رہا ہے۔

نوٹوں کی مالیت اور گردش

اتوار کو نو مختلف مالیت میں سے تین نئے نوٹ جاری کئے گئے جبکہ باقی نوٹ مرحلہ وار جاری کئے جائیں گے۔ موجودہ نوٹ اور سکے بدستور گردش میں رہیں گے۔

یہ بھی پڑھیں: فیض حمید کا ٹرائل کب تک مکمل ہوگا؟ سینئر صحافی نے تہلکہ خیز دعویٰ کردیا

سیاسی حالات کا اثر

یہ پہلا موقع نہیں ہے کہ بنگلہ دیش میں کرنسی نوٹوں کا ڈیزائن سیاسی حالات سے متاثر ہوا ہو۔ 1972 میں آزادی کے بعد جاری کئے گئے پہلے نوٹوں پر ملک کا نقشہ دکھایا گیا تھا جبکہ بعد میں عوامی لیگ کی حکومت نے شیخ مجیب الرحمٰن کی تصویر شامل کی۔

شیخ حسینہ کی جلاوطنی

واضح رہے کہ سابق وزیر اعظم شیخ حسینہ اس وقت بھارت میں جلاوطنی کی زندگی گزار رہی ہیں اور بنگلہ دیش میں ان کے خلاف بغاوت کو کچلنے کی کوشش کے الزام میں مقدمہ چل رہا ہے۔ انہوں نے عدالتی حکم کے باوجود وطن واپسی سے انکار کر دیا ہے اور عوامی لیگ پر بھی گزشتہ ماہ پابندی عائد کی جا چکی ہے۔