پی پی 52 ضمنی الیکشن: مسلم لیگ ن کی حنا ارشد وڑائچ نے میدان مار لیا

ضمنی انتخابات میں ن لیگ کی فتح

سیالکوٹ (ڈیلی پاکستان آن لائن) پی پی 52 سمبڑیال میں ضمنی الیکشن میں ن لیگ نے میدان مار لیا۔

یہ بھی پڑھیں: پی ٹی آئی کے سینیٹر سیف اللہ ابڑو نے استعفی دینے کا اعلان کر دیا

غیر حتمی نتائج

نجی ٹی وی چینل دنیا نیوز کے مطابق پی پی 52 کے ضمنی انتخاب کے تمام 185 پولنگ سٹیشنز کے غیر حتمی و غیر سرکاری نتائج موصول ہوگئے۔ مسلم لیگ ن کی حنا ارشد وڑائچ 78 ہزار 702 ووٹ لے کر پہلے نمبر پر رہیں۔

یہ بھی پڑھیں: سی سی ڈی کے ایک دن میں 4مبینہ مقابلے، 6ملزمان ہلاک

مقابلہ کرنے والے امیدوار

پی ٹی آئی کے حمایت یافتہ فاخر نشاط گھمن 39 ہزار 18 ووٹ لے کر دوسرے نمبر پر رہے۔ مسلم لیگ ن کی امیدوار حنا ارشد وڑائچ کو 39 ہزار 684 ووٹوں کی برتری کے ساتھ کامیابی حاصل ہوئی۔ ریٹرننگ آفیسر نے فارم 47 جاری کر دیا۔

یہ بھی پڑھیں: سمجھوتہ ایکسپریس کیس میں ملزمان کی بریت بھارت کی دہری پالیسی کی مثال ،شدید مذمت کرتے ہیں:پاکستان

ووٹنگ کا عمل

ضمنی الیکشن کیلئے ووٹنگ کا عمل صبح 8 سے شام پانچ بجے تک جاری رہا۔ اس دوران کوئی ناخوشگوار واقعہ پیش نہیں آیا، تاہم دس منٹ کیلئے الیکشن کمشنر کی جانب سے ووٹنگ روکی گئی تھی۔

یہ بھی پڑھیں: امریکہ آئندہ 24 گھنٹے میں ایران پر حملہ کر سکتا ہے، یورپی حکام کا دعویٰ

پولنگ سٹیشنز کی صورتحال

ضمنی الیکشن کے دوران دن بھر پولنگ سٹیشنز پر گہما گہمی رہی۔ دونوں پارٹیوں کے کارکنوں میں جھگڑے بھی ہوئے اور نعرے بازی جاری رہی، اس دوران دھاندلی کے الزامات بھی لگائے جاتے رہے۔

یہ بھی پڑھیں: یوٹیلیٹی بل زیادہ آنے پر نوجوان نے خودکشی کرلی

رجسٹرڈ ووٹرز کی تعداد

حلقے میں 2 لاکھ 96 ہزار 563 ووٹرز رجسٹرڈ ہیں جن کیلئے 185 پولنگ سٹیشنز قائم کئے گئے تھے، اور ان میں سے 11 کو انتہائی حساس قرار دیا گیا تھا۔

یہ بھی پڑھیں: شدید برفباری، صورتحال معمول پر آنے تک مری کا رخ نہ کریں: عظمیٰ بخاری کی عوام سے اپیل

حنا ارشد وڑائچ کی جیت کا جشن

حنا ارشد وڑائچ نے اپنی جیت کو وزیراعلیٰ پنجاب مریم نواز اور اپنے مرحوم والد کے نام کر دیا۔ جیت پر حنا ارشد وڑائچ کے گھر پر جشن کا سماں رہا، کارکنوں نے بھنگڑے ڈالے اور آتش بازی کی۔

خالی نشست کی وجوہات

واضح رہے کہ یہ نشست مسلم لیگ ن کے رکن پنجاب اسمبلی چودھری ارشد وڑائچ کے انتقال کے بعد خالی ہوئی تھی۔