بابر اعظم کو انسٹاگرام پر ان فالو کرنے کے سوال پر کپتان سلمان علی آغا کا کیا جواب؟
سلمان علی آغا کا بابر اعظم کے ساتھ تعلقات پر ردعمل
لاہور(ڈیلی پاکستان آن لائن) پاکستان ٹی ٹوئنٹی ٹیم کے کپتان سلمان علی آغا نے ساتھی کرکٹر بابر اعظم کے ساتھ تعلقات اور انہیں انسٹاگرام پر اَن فالو کرنے کے حوالے سے سوشل میڈیا پر گردش کرتی افواہوں پر ردعمل دے دیا۔
یہ بھی پڑھیں: بھارتی پروازوں کے لیے پاکستانی فضائی حدود تاحال بند، 18 روز میں ایئر لائنز کو 400 کروڑ انڈین روپے کا نقصان
پاکستان کا بنگلادیش کے خلاف کامیاب میچ
نجی ٹی وی چینل جیو نیوز کے مطابق اتوار کو پاکستان نے 3 ٹی ٹوئنٹی میچز کی سیریز کے آخری میچ میں بنگلادیش کو 7 وکٹ سے ہرا کر کلین سوئپ کردیا۔ پاکستان نے بنگلادیش کا 197 رنز کا ہدف 18ویں اوور میں 3 وکٹوں کے نقصان پر پورا کردیا۔ محمد حارث 107 رنز بناکر ناقابل شکست رہے جبکہ سلمان علی آغا نے 45 رنز بنائے۔
یہ بھی پڑھیں: صحت کی خرابی، ڈی جی نیب لاہور سلیم شہزاد نے عہدہ چھوڑ دیا
پریس کانفرنس میں گفتگو
میچ کے بعد پریس کانفرنس کرتے ہوئے پاکستان کرکٹ ٹیم کے کپتان سلمان علی آغا نے کہا کہ خوشی بہت ہے نوجوان کرکٹرز نے پرفارم کیا، ہمیں دیکھنا یہ ہے کہ ہمیں کرکٹ کیسی کھیلنی ہے، فینز کو تفریح مہیا کرنی ہے۔
یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا ؟
سوشل میڈیا افواہیں
سلمان علی آغا نے ساتھ ہی سوشل میڈیا پر گردش کرتے سکرین شاٹس جس میں دعویٰ کیا جارہا تھا کہ سلمان نے بابر اعظم کو انسٹاگرام پر اَن فالو کر دیا ہے اور دونوں کرکٹرز کے درمیان تعلقات اچھے نہیں، کے بارے میں بھی بات کی۔
اس حوالے سے پریس کانفرنس میں قومی ٹیم کے کپتان سے سوال کیا گیا کہ آپ نے بابر اعظم کو اَن فالو کردیا جس پر جواب دیتے ہوئے سلمان علی آغا نے کہا کہ 'میں نے بابر اعظم کو انسٹاگرام پر کبھی فالو ہی نہیں کیا تو اَن فالو کیا کرنا ہے، لوگ ایسی ہی باتیں کرتے رہتے ہیں'۔
یہ بھی پڑھیں: امریکا و اسرائیل کے حملے عالمی توانائی وسائل پر کنٹرول کی کوششیں ہیں: ایران
دوستی کی وضاحت
سلمان علی آغا نے کہا کہ بابر میرا 2008 سے سکول کا دوست ہے، تب تو اتنا سوشل میڈیا بھی نہیں تھا، بس لوگوں کا خیال ہے کہ میں نے بابر کو اَن فالو کر دیا، ایسا کچھ نہیں ہے، میں نے میچ سے پہلے بابر سے بات کی تھی، ہم یہ ساری چیزیں دیکھ کر صرف ہنستے ہی ہیں۔
“I’ve never followed Babar Azam on instagram, he is my friend since school days (2008), i spoke to him just before this match and we just laugh about these things”
-Salman Ali Agha pic.twitter.com/Q2LKN68heZ
— Jalaad حمزہ (@SaithHamzamir) June 1, 2025
یہ بھی پڑھیں: ایمی ایوارڈ یافتہ دی سمپسنز کے رائٹر چل بسے، موت کی وجہ بھی سامنے آگئی
کپتانی کے دوران کرکٹ کا معیار
اس کے علاوہ بنگلادیش کے خلاف میچ کے حوالے سے بات کرتے ہوئے سلمان علی آغا نے مزید کہا کہ جب تک میں کپتان ہوں، ہمیں ایسے ہی کرکٹ کھیلنی ہے، ہمیں بولروں اور بیٹرز کو انڈر پریشر رکھنا ہے، ہماری کوشش یہی ہے کہ مین ٹیم یہی رہے لیکن کوئی بھی ٹیم میں واپس آ سکتے ہیں، سب کے لیے دروازے کھلے ہیں۔
پرفارمنس کی اہمیت
انہوں نے کہا کہ محمد حارث نے پوری سیریز میں اچھا کھیلا، ہم ڈومیسٹک کو بھی عزت دیں گے اور اس پرفارمنس کی بھی اہمیت رہتی ہے، پی ایس ایل سے بھی کھلاڑی آ رہے ہیں۔
