پنجاب حکومت نے جھولوں پر پابندی عائد کر دی

پنجاب میں عید الاضحی کے دوران مکینیکل جھولوں پر پابندی

لاہور(ڈیلی پاکستان آن لائن) محکمہ داخلہ پنجاب نے عید الاضحی کے دوران عارضی نصب ہونے والے مکینیکل جھولوں پر پابندی عائد کر دی۔

یہ بھی پڑھیں: کراچی کے شہریوں کے لیے شادی کی تقریبات پر بھی ٹیکس لگادیا گیا

مکینیکل جھولوں کی مستقل تنصیب پر استثناء

نجی ٹی وی چینل ہم نیوز کے مطابق ترجمان محکمہ داخلہ پنجاب کے مطابق صوبہ بھر میں قائم تفریحی پارکس میں مستقل بنیادوں پر نصب مکینیکل جھولوں کو پابندی سے استثناء ہو گا۔ البتہ مستقل نصب مکینیکل جھولوں کے لیے فٹنس سرٹیفکیٹ لازمی قرار دیا گیا ہے۔

یہ بھی پڑھیں: پولیس نے کچے کے علاقے سے 3 مغوی بازیاب کرالیے

فٹنس سرٹیفکیٹ کے حصول کی ہدایت

صوبائی حکومت کے جاری کردہ احکامات کے مطابق صوبہ بھر میں قائم تفریحی پارکس میں مستقل بنیادوں پر نصب مکینیکل جھولوں کے مالکان یا آپریٹرز متعلقہ ڈپٹی کمشنر سے فٹنس سرٹیفکیٹ حاصل کریں گے۔

یہ بھی پڑھیں: اڈیالہ جیل کے باہر دھرنا، عمران خان کی بہنوں سمیت 400 کارکنان کے خلاف مقدمہ درج

تحفظ کی ضروریات کی تصدیق

اس ضمن میں ضلعی انتظامیہ تصدیق کرے گی کہ ہر مکینیکل جھولا حفاظت کے ضروری معیارات پر پورا اترتا ہے۔

یہ بھی پڑھیں: تنخواہوں میں 6 یا 10 فیصد اضافہ، کابینہ اجلاس سے اہم خبر سامنے آگئی

سیکیورٹی پروٹوکولز کی پابندی

ترجمان محکمہ داخلہ پنجاب نے واضح کیا کہ مستقل نصب جھولے جن کے تمام سیکیورٹی پروٹوکولز پر عمل کیا جا رہا ہے، ان پر پابندی نہیں لگائی گئی۔

انسانی جانوں کی حفاظت کا مقصد

ترجمان کے مطابق عارضی طور پر نصب کیے جانے والے اور پھیری والے مکینیکل جھولوں پر پابندی کا فیصلہ انسانی جانوں کی حفاظت کے لیے کیا گیا۔محکمہ داخلہ پنجاب نے صوبہ بھر کے ڈپٹی کمشنرز کو ہدایت جاری کی ہے کہ حکم نامے پر عملدرآمد یقینی بنائیں۔