سابق مشیر ڈونلڈ ٹرمپ کا بانی پی ٹی آئی کی رہائی کے حوالے سے اہم بیان آگیا

اہم بیان ساجد تارڑ کا

لندن (ڈیلی پاکستان آن لائن) ڈونلڈ ٹرمپ کے سابق مشیر ساجد تارڑ نے بانی پی ٹی آئی کی رہائی کے حوالے سے ایک اہم بیان دیا ہے۔

یہ بھی پڑھیں: ایلون مسک کے اپنی کمپنی سپیس ایکس کی حساس تنصیبات میں داخل ہونے پر پابندی، تہلکہ خیز انکشاف

شادی کی تقریب میں اہم شخصیات کی شرکت

نجی ٹی وی اے آر وائی کے مطابق، چیئرمین او پی ایف سید قمر رضا کے صاحبزادے کی شادی کی تقریب میں اہم شخصیات نے شرکت کی۔ تقریب میں امریکی صدر ٹرمپ کے سابق مشیر ساجد تارڑ، وفاقی وزیر چودھری سالک حسین، برطانیہ میں پاکستانی ہائی کمشنر ڈاکٹر محمد فیصل سمیت 600 سے زائد اہم افراد شامل ہوئے۔

یہ بھی پڑھیں: سانحہ 9مئی میں سزا پانیوالے 25ملزمان کے حوالے سے اہم تفصیلات سامنے آ گئیں

نئے پاکستان کا آغاز

اس موقع پر ساجد تارڑ نے کہا کہ بانی پی ٹی آئی جلد باہر آتے نظر نہیں آ رہے، ملک میں صورتحال تبدیل ہو گئی ہے، اب یہ نیا پاکستان ہے۔

یہ بھی پڑھیں: عالمی مارکیٹ میں خام تیل کی قیمتوں میں اضافہ

امریکی پالیسی میں تبدیلی

ساجد تارڑ کا کہنا تھا کہ امریکہ کی پالیسی میں پاکستان کے حق میں تبدیلی آ رہی ہے، جنگی صورتحال میں پاکستان نے بھارت کو مؤثر جواب دیا ہے۔

یہ بھی پڑھیں: بھارت میں کوئی غیر ملکی رہنما دورے پر آیا ہوتا ہے تو اس دوران ایسے واقعات کیوں ہوتے ہیں؟ محسن نقوی

ٹرمپ کا کردار عالمی امن میں

سابق مشیر نے کہا کہ ٹرمپ کا پہلا دور بھی امن کا دور تھا جس میں کشمیر پر ثالثی کی پیشکش کی گئی۔ ٹرمپ نوبل انعام کے مستحق ہیں، ان کا عالمی امن کے لیے کردار اہم ہے۔

یہ بھی پڑھیں: بارود سے فلسطینیوں کی آواز دبائی نہیں جاسکتی : وفاقی وزیرقانون

چودھری سالک حسین کا بیان

وفاقی وزیر چودھری سالک حسین نے کہا کہ اوورسیز کنونشن سے اوورسیز پاکستانیوں کو نئی امید ملی ہے۔ ہم نے کنونشن کو سیاست سے بالاتر رکھا ہے، ہر اوورسیز پاکستانی ہمارے لئے برابر ہے۔

میرپور انٹرنیشنل ایئرپورٹ کی ترقی

انہوں نے مزید کہا کہ اوورسیز پاکستانی پاکستان کا اتنا ہی حصہ ہیں جتنا ملک کے اندر رہنے والے ہیں۔ میرپور انٹرنیشنل ایئرپورٹ کے لئے ٹاسک فورس قائم کردی گئی ہے، ہر ہفتے میٹنگز ہو رہی ہیں، 2 سے 3 ہفتے میں ایئرپورٹ منصوبے کا فائنل ڈاکیومنٹ وزیراعظم کو پیش کیا جائے گا۔