عیدالاضحیٰ پر موسم کیسا رہے گا؟ محکمہ موسمیات نے پیشگوئی کر دی

موسمیات کی پیشگوئی

لاہور (ڈیلی پاکستان آن لائن) محکمہ موسمیات نے عید الاضحیٰ کے دوران میدانی علاقوں میں موسم شدید گرم اور خشک رہنے کی پیشگوئی کی ہے۔

یہ بھی پڑھیں: امریکی سفارتخانے نے پاکستان میں موجود امریکی شہریوں کے لیے سیکیورٹی الرٹ جاری کردیا

عید الاضحیٰ کی تعطیلات کا موسم

محکمہ موسمیات کے مطابق عید الاضحیٰ کی چھٹیوں کے دوران میدانی علاقوں میں موسم شدید گرم اور خشک رہے گا۔ تاہم عید الاضحی پر 7 سے 9 جون کے دوران دیر، سوات، چترال، کوہستان اور مانسہرہ میں بارش کا امکان ہے۔

یہ بھی پڑھیں: مجھے سڑک سے گزرنے سے کوئی نہیں روک سکتا ، روٹ توڑنے پر ایمان مزاری کا رد عمل

برفباری کی توقعات

دوسری جانب محکمہ موسمیات نے بابوسرٹاپ، نانگا پربت اور بٹوگاہ ٹاپ پر وقفے وقفے سے برفباری کا امکان بھی ظاہر کیا ہے۔

یہ بھی پڑھیں: لیسکو کا نیا ویژن کرپشن کا خاتمہ ،جو لوگ چوری اور سینہ زوری کرتے ہیں ان کو روکنا ہے: سی ای او رمضان بٹ

بلوچستان میں موسم کا حال

محکمہ موسمیات کے مطابق کوئٹہ سمیت بلوچستان کے بیشتر اضلاع میں موسم خشک اور جنوبی اضلاع میں گرم ہے، آج صوبے کے میدانی علاقوں میں موسم شدید گرم رہنے کا امکان ہے۔

یہ بھی پڑھیں: اداکارہ اونیت کی غیر اخلاقی تصویر پر ویرات کا لائیک، راکل پریت نے سخت رد عمل جاری کر دیا

وادی کوئٹہ کی صورتحال

محکمہ موسمیات نے بتایا کہ وادی کوئٹہ اور گردونواح میں مطلع صاف اور موسم خشک و معتدل ہے۔ بلوچستان کے بیشتر اضلاع میں موسم خشک اور جنوبی اضلاع میں گرم رہنے کا امکان ہے۔ اس دوران مختلف علاقوں میں تیز و گرد آلود ہوائیں چلنے کا امکان بھی ہے۔

اسلام آباد اور دیگر علاقوں میں بارش کی پیشگوئی

اس کے علاوہ آج سے جمعرات تک اسلام آباد، پنجاب، خیبر پختونخوا، گلگت بلتستان اور کشمیر میں بارش کا امکان ظاہر کیا گیا ہے۔