عیدالاضحیٰ پر موسم کیسا رہے گا؟ محکمہ موسمیات نے پیشگوئی کر دی
موسمیات کی پیشگوئی
لاہور (ڈیلی پاکستان آن لائن) محکمہ موسمیات نے عید الاضحیٰ کے دوران میدانی علاقوں میں موسم شدید گرم اور خشک رہنے کی پیشگوئی کی ہے۔
یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا؟
عید الاضحیٰ کی تعطیلات کا موسم
محکمہ موسمیات کے مطابق عید الاضحیٰ کی چھٹیوں کے دوران میدانی علاقوں میں موسم شدید گرم اور خشک رہے گا۔ تاہم عید الاضحی پر 7 سے 9 جون کے دوران دیر، سوات، چترال، کوہستان اور مانسہرہ میں بارش کا امکان ہے۔
یہ بھی پڑھیں: امارات نے امریکہ کے ساتھ مل کر یمن میں فوجی کارروائی کی تردید کردی
برفباری کی توقعات
دوسری جانب محکمہ موسمیات نے بابوسرٹاپ، نانگا پربت اور بٹوگاہ ٹاپ پر وقفے وقفے سے برفباری کا امکان بھی ظاہر کیا ہے۔
یہ بھی پڑھیں: نیویارک میں ‘پاکستانی ہوٹل’: 220 ملین ڈالر کی قیمت اور ٹرمپ کے بھارتی مشیر کا اعتراض
بلوچستان میں موسم کا حال
محکمہ موسمیات کے مطابق کوئٹہ سمیت بلوچستان کے بیشتر اضلاع میں موسم خشک اور جنوبی اضلاع میں گرم ہے، آج صوبے کے میدانی علاقوں میں موسم شدید گرم رہنے کا امکان ہے۔
یہ بھی پڑھیں: ملک کے مختلف شہروں میں گرج چمک کے ساتھ بارش کی پیشگوئی
وادی کوئٹہ کی صورتحال
محکمہ موسمیات نے بتایا کہ وادی کوئٹہ اور گردونواح میں مطلع صاف اور موسم خشک و معتدل ہے۔ بلوچستان کے بیشتر اضلاع میں موسم خشک اور جنوبی اضلاع میں گرم رہنے کا امکان ہے۔ اس دوران مختلف علاقوں میں تیز و گرد آلود ہوائیں چلنے کا امکان بھی ہے۔
اسلام آباد اور دیگر علاقوں میں بارش کی پیشگوئی
اس کے علاوہ آج سے جمعرات تک اسلام آباد، پنجاب، خیبر پختونخوا، گلگت بلتستان اور کشمیر میں بارش کا امکان ظاہر کیا گیا ہے۔
