کھلی کچہریوں میں 1243 شکایات موصول، نو گو ایریاز ختم کر دیں گے، کوئی آفیسر بجلی چوری میں ملوث پایا گیا تو کیا سلوک کیا جائے گا؟ سی ای اولیسکو نے بتا دیا

لاہور میں شکایات کا ریکارڈ

کھلی کچہریوں میں مختلف نوعیت کی 1243 شکایات موصول ہوئیں۔ نو گو ایریاز ختم کر دیے جائیں گے۔ اگر کوئی آفیسر یا ملازم بجلی چوری میں ملوث پایا گیا تو کس طرح کا سلوک کیا جائے گا؟ سی ای او لیسکو نے واضح الفاظ میں بتا دیا۔

یہ بھی پڑھیں: وزیراعلیٰ مریم نواز کی زیر صدارت خصوصی اجلاس،’’ای بزنس پروگرام‘‘ کا شاندار آغاز، 2 ہفتے کی ٹائم لائن مقرر

بجلی چوری کا خاتمہ

لاہور الیکٹرک سپلائی کمپنی کے چیف ایگزیکٹو آفیسر انجینئر محمد رمضان بٹ نے کہا ہے کہ بجلی چوری تمام خرابیوں کی جڑ ہے۔ اگر کوئی لیسکو افسر یا اہلکار بجلی چوری میں ملوث پایا گیا تو اسے عام بجلی چور سے زیادہ سزا دی جائے گی۔ لیسکو کے اہلکار بجلی چوروں کو پکڑنے کے لیے اپنی زندگیاں داؤ پر لگاتے ہیں، اور آپریشن کے دوران بدترین تشدد کا نشانہ بھی بنایا جاتا ہے، لیکن ہماری ٹیمیں کبھی گھبرا کر پیچھے نہیں ہٹتیں۔ جو لوگ بجلی چوروں کو پکڑنے کے لیے ماریں کھا رہے ہیں، وہ خود بجلی چوری میں کیسے ملوث ہوسکتے ہیں؟

یہ بھی پڑھیں: مردان میں چھری کے وار سے 2خواجہ سرا قتل

قانون نافذ کرنے والے اداروں کی مدد

انجینئر محمد رمضان بٹ کا کہنا ہے کہ بجلی چوری کے خاتمے کے لیے وزیر اعظم، وزیر توانائی، بی او ڈی، پاک فوج، ایجنسیاں، رینجرز اور پولیس سب ایک پیج پر ہیں۔ ماضی میں بااثر افراد نے نوگو ایریاز بنائے تھے جہاں جانے پر لیسکو اہلکاروں کو بدترین تشدد کا نشانہ بنایا جاتا تھا، لیکن اب صورتحال بدل گئی ہے۔ رینجرز اور دیگر قانون نافذ کرنے والے اداروں کی مدد سے ایسے علاقوں کا خاتمہ کر دیا گیا ہے۔

یہ بھی پڑھیں: سپریم کورٹ میں 9 مئی کے اہم مقدمات سماعت کیلئے مقرر

ڈیجیٹل سسٹم کا نفاذ

انجینئر محمد رمضان بٹ نے کہا کہ صارفین کی سہولت کے لیے لیسکو ڈیجیٹل سسٹم متعارف کرانے جا رہا ہے، جس کے بعد نہ صرف صارفین بذریعہ ایپ اپنی شکایت درج کرواسکیں گے بلکہ لائن سٹاف کی نقل و حرکت کو بھی مانیٹر کر سکیں گے۔

یہ بھی پڑھیں: ہم بالکل چاہتے ہیں کہ ادارے ہمارے ساتھ بیٹھیں، جنید اکبر

کھلی کچہریوں کا انعقاد

ریجن بھر کے لیسکو دفاتر میں کھلی کچہریوں کا انعقاد جاری ہے۔ آج ہونے والی کچہریوں میں مختلف نوعیت کی 1243 شکایات موصول ہوئیں، جن میں سے تمام کا موقع پر ہی ازالہ کر دیا گیا۔ اوور بلنگ کی 8، خراب میٹرز سے متعلق 19، بجلی بندش کی 452، ٹرانسفارمرز خراب ہونے کی 10، نئے کنکشن سے متعلق 56، جبکہ 699 دیگر نوعیت کی شکایات موصول ہوئیں۔

صارفین کے مسائل کا حل

چیف ایگزیکٹو لیسکو انجینئر محمد رمضان بٹ کا کہنا ہے کہ صارفین کے مسائل کا فوری حل ہماری پہلی ترجیح ہے۔ کھلی کچہریوں میں موصول ہونے والی شکایات کا 100 فیصد حل خوش آئند بات ہے، اور امید ہے کہ پوری ٹیم آئندہ بھی اسی مستعدی سے کام کرے گی۔