بھارتی پروفیسر نے مودی کے معیشت کو لیکر بڑے دعوﺅں کا بھانڈا پھوڑ دیا

مودی حکومت کے دعووں کی حقیقت

نئی دہلی (ڈیلی پاکستان آن لائن) بھارتی پروفیسر نے مودی حکومت کے دنیا کی چوتھی بڑی معیشت بننے اور جی ڈی پی گروتھ جاپان سے بھی زیادہ ہونے کے دعوے کی قلعی کھول دی۔

یہ بھی پڑھیں: خودکش حملہ محض ایک سانحہ نہیں بلکہ ریاستی نظم و نسق، حفاظتی حکمتِ عملی اور سیکیورٹی ترجیحات پر ایک گہرا سوالیہ نشان ہے، شیر افضل مروت

معاشی اعداد و شمار کی حقیقت

نجی ٹی وی جیو نیوز کے مطابق جواہر لعل نہرو یونیورسٹی کے شعبہ معاشیات کے ریٹائرڈ پروفیسر ارون کمار نے کہا کہ بھارتی سرکار نجی شعبوں کو چھوڑ کر صرف عوامی شعبوں کے محدود اعداد و شمار سے جی ڈی پی گروتھ دکھا رہی ہے۔

یہ بھی پڑھیں: بھارتی چینل ہیک کرلیا گیا، ‘پاکستان ہمیشہ زندہ باد’ کے نعرے آویزاں

معاشی چیلنجز اور تنقید

ارون کمار کے مطابق ملک میں بڑھتی مہنگائی، بے روزگاری، ایم سی جی، ٹریڈ، لیدر گڈز سیکٹرز سمیت اور دوسرے اہم سیکٹر میں تنزلی کے باعث ماہرین بھی حکومتی اعداد و شمار کو غلط قرار دے رہے ہیں۔

آئی ایم ایف کا مؤقف

ریٹائرڈ پروفیسر نے مزید کہا کہ عالمی مالیاتی ادارہ (آئی ایم ایف) بھی حکومتی ڈیٹا کو استعمال کرتا ہے، اس لئے بھارتی سرکار کے دعوے میں آئی ایم ایف کا اندازہ بھی وزن نہیں ڈال سکتا۔