نااہلی ریفرنس: عمر ایوب کو وکیل مقرر کرنے کی مہلت

الیکشن کمیشن کی کارروائی

اسلام آباد(ڈیلی پاکستان آن لائن) الیکشن کمیشن نے نااہلی ریفرنس میں قومی اسمبلی میں اپوزیشن لیڈر عمر ایوب کو وکیل مقرر کرنے کی مہلت دے دی۔

یہ بھی پڑھیں: سونے کی فی تولہ قیمت میں کمی

سماعت کی تفصیلات

نجی ٹی وی چینل دنیا نیوز کے مطابق، عمر ایوب کے خلاف نااہلی ریفرنس کی سماعت چیف الیکشن کمشنر کی سربراہی میں پانچ رکنی کمیشن نے کی۔ سماعت کے دوران، عمر ایوب روسٹرم پر آئے اور بتایا کہ مجھے نااہلی ریفرنس کی کاپی مل گئی ہے۔

یہ بھی پڑھیں: وزیر اعلیٰ مریم نواز نے پولیو ٹیموں کا تحفظ یقینی بنانے کا حکم دیدیا، عوام سے بھرپور تعاون کی اپیل

وکیل مقرر کرنے کی درخواست

عمر ایوب نے کہا کہ میں نے ابھی وکیل بھی مقرر کرنا ہے، بجٹ اجلاس شروع ہو رہا ہے، وکیل مقرر کرنے کے لیے وقت دے دیں، جولائی کے مہینے میں سماعت رکھ لیں۔

یہ بھی پڑھیں: غیر ملکی شہریوں کی پاکستانی سیاسی اجتماعات میں شرکت مکمل طور پر غیرقانونی ہے: ترجمان دفتر خارجہ

کمیشن کا فیصلہ

ممبر الیکشن کمیشن سندھ نثار درانی نے کہا کہ سپیکر ریفرنس پر 90 دن کا وقت ہوتا ہے۔ اس کے ساتھ ہی الیکشن کمیشن نے عمر ایوب کی استدعا منظور کرتے ہوئے انہیں وکیل کرنے کی مہلت دے دی۔

عمر ایوب کا میڈیا سے گفتگو

سماعت کے بعد میڈیا سے گفتگو کرتے ہوئے، عمر ایوب نے کہا ہے کہ اس ریفرنس سے متعلق قومی اسمبلی کے سپیکر نے کوئی مشاورت نہیں کی۔