سپریم کورٹ؛گریڈ6کے ملازم کی برطرفی کیخلاف درخواست پر سندھ حکومت کی اپیل خارج

سپریم کورٹ کا فیصلہ

کراچی (ڈیلی پاکستان آن لائن) سپریم کورٹ نے پی آئی اے میں گریڈ 6 کے ملازم کی برطرفی کے خلاف درخواست پر سندھ حکومت کی اپیل خارج کردی۔ جسٹس محمد علی مظہر نے کہا کہ وفاقی حکومت کو بھی لکھ چکا ہوں کہ اس معاملے کو دیکھیں۔ برطرف ملازمین کے پاس ماسٹر آف سرونٹ کے سوا کوئی فورم نہیں ہے۔ حکومت کا اپنا فورم ہونا چاہئے جو ملازمین کے کیسز کے بروقت فیصلے کرے۔ برطرف ملازمین کے کیسز 20، 20 سال چلتے ہیں اور کیسز کی پیروی کرتے ہوئے ملازمین انتقال کرجاتے ہیں۔

یہ بھی پڑھیں: عدالتی فیصلے کے بعد ہمیں کسی کو روکنے کی ضرورت نہیں ، عمران خان خود نہیں ملنا چاہتے: طلال چودھری

درخواست کی سماعت

نجی ٹی وی چینل دنیا نیوز کے مطابق، سپریم کورٹ کراچی رجسٹری میں پی آئی اے میں گریڈ 6 کے ملازم کی برطرفی کے خلاف درخواست کی سماعت ہوئی۔ عدالت نے سرکاری اور نجی ملازمین کی برطرفیوں کے خلاف فورم نہ ہونے پر اظہار برہمی کیا۔

یہ بھی پڑھیں: جن علاقوں میں جبلی کا بل نہیں بھرا جاتا وہاں لوڈ شیڈنگ ہوتی رہے گی : وزیر خزانہ

سماعت کے دوران کے اہم نکات

جسٹس محمد علی مظہر نے کہا کہ وفاقی حکومت کو بھی لکھ چکا ہوں کہ اس معاملے کو دیکھیں، برطرف ملازمین کے پاس ماسٹر آف سرونٹ کے سوا کوئی فورم نہیں ہے۔ حکومت کا اپنا فورم ہونا چاہئے جو ملازمین کے کیسز کے بروقت فیصلے کرے۔ برطرف ملازمین کے کیسز 20، 20 سال چلتے ہیں، کیسز کی پیروی کرتے ہوئے ملازمین انتقال کرجاتے ہیں۔ جن اداروں میں سروس کے قواعد نہیں ہیں ان کا کوئی کچھ نہیں بگاڑتا۔

یہ بھی پڑھیں: سندھ میں رواں برس کاروکاری کی رسم کتنی زندگیاں نگل گئی۔ اہم تفصیلات جانیے۔

سوموٹو کا معاملہ

جسٹس محمد علی مظہر نے کہا کہ سوموٹو طرز پر پورے ملک کو لپیٹ لیا گیا، ایسا اہم کیس لارجر یا آئینی بنچ کو بھیجا جانا چاہئے تھا۔ اے اے جی نے کہا کہ سپریم کورٹ فیصلے کے بعد فوتگی کوٹہ کے مزید کیسز آ رہے ہیں۔ عدالت نے کہا کہ فیصلے سے پہلے تقرری کے باوجود جوائننگ نہ ہونے کا معاملہ بھی اہم ہے۔

عدالت کی سختی اور نوٹس جاری

دوران سماعت عدالت نے ایڈیشنل ایڈووکیٹ جنرل پر اظہار برہمی کیا۔ جسٹس محمد علی مظہر نے کہا کہ آپ سے بہتر معاونت تو مالی کررہا ہے۔ عدالت سے حقائق چھپانا اچھی بات نہیں، آفر لیٹر اور فیصلے کے باوجود اپیل لے کر آ گئے۔ عدالت نے فوتگی کوٹہ پر مالی کو بھرتی نہ کرنے پر سندھ حکومت کی اپیل خارج کردی اور سپریم کورٹ کے فوتگی کوٹہ فیصلے پر 3 رکنی بنچ نے اعتراض کیا۔ عدالت نے وفاقی حکومت اور پی آئی اے سمیت دیگر کو نوٹس جاری کردیا۔