طارق فاطمی کی روسی وزیر خارجہ سے ملاقات، وزیراعظم کا پیوٹن کے لیے خط پہنچایا

وزیراعظم کے معاون خصوصی کی ملاقات

ماسکو (ڈیلی پاکستان آن لائن) وزیراعظم کے معاون خصوصی طارق فاطمی نے روسی وزیرخارجہ سرگئی لاوروف سے ملاقات کی اور وزیراعظم شہبازشریف کا صدر پیوٹن کے لیے خط بھی پہنچایا۔

یہ بھی پڑھیں: 9 سال سے کوئی ہٹ فلم نہ دینے والی اداکارہ، ایک پراجیکٹ کا معاوضہ 41 کروڑ، مجموعی دولت 650 کروڑ سے زائد

دوطرفہ تعاون کی گفتگو

نجی ٹی وی جیو نیوز کے مطابق طارق فاطمی نے روسی وزیرخارجہ کو وزیراعظم کی نیک خواہشات سے آگاہ کیا اور دو طرفہ تعاون کو وسیع کرنے کے عزم کا اظہار کیا۔ اعلامیے کے مطابق ملاقات میں توانائی، کنیکٹیویٹی اور تجارت پر تبادلہ خیال ہوا۔

یہ بھی پڑھیں: کیا یقینی بنایا گیا ہے کہ تفتیش کوئی غلطی ملزم کو فائدہ نہ دے، سینیٹر ہمایوں مہمند کا ثنا یوسف قتل کیس میں بریفنگ پر استفسار

جنوبی ایشیا کی صورتحال

معاون خصوصی طارق فاطمی نے روسی وزیرخارجہ کو جنوبی ایشیا کی صورتحال سے بھی آگاہ کیا اور پاکستان کا نقطہ نظر پیش کیا۔ طارق فاطمی کا کہنا تھا کہ پانی کا بہاؤ روکنے اور سندھ طاس معاہدے کی معطلی سے کشیدگی بڑھے گی۔

یہ بھی پڑھیں: سیلاب متاثرہ علاقوں کے فلڈ ریلیف کیمپوں میں مچھرمار اور جراثیم کش سپرے کا آغاز

پاکستان اور روس کے تعلقات

اعلامیے کے مطابق، روسی وزیرخارجہ نے پاکستان کے ساتھ دوطرفہ تعاون پر اطمینان کا اظہار کیا اور کہا کہ وہ اس بات کے خواہاں ہیں کہ انسداد دہشت گردی کے لیے مل کر کام کریں۔

ایس سی او کے فریم ورک میں تعاون

روسی وزیرخارجہ نے مزید کہا کہ روس ایس سی او کے فریم ورک کے تحت مختلف شعبوں میں پاکستان کے ساتھ مل کر کام کرنے کا خواہاں ہے۔