کرپشن کیس میں فواد چودھری کے وارنٹ گرفتاری جاری

فواد چودھری کے وارنٹ گرفتاری جاری

راولپنڈی(ڈیلی پاکستان آن لائن) سپیشل جج اینٹی کرپشن راولپنڈی نے کرپشن کیس میں سابق وفاقی وزیر فواد چودھری کے وارنٹ گرفتاری جاری کر دیئے۔

یہ بھی پڑھیں: جن کا گھر سیلاب سے متاثر ہوا ان کو 10 لاکھ روپے دیں گے، مریم نواز

عدالت میں عدم پیشی کا معاملہ

نجی ٹی وی چینل ایکسپریس نیوز کے مطابق، سابق وفاقی وزیر طلبی باوجود عدالت پیش نہیں ہو رہے تھے، جس پر انسداد رشوت ستانی عدالت کے جج خاور رشید نے فواد چودھری کے وارنٹ گرفتاری جاری کیے۔

یہ بھی پڑھیں: ایران کے اسرائیل پر تازہ میزائل حملے میں 30 سے زائد افراد زخمی

مقدمے کی سماعت کی تاریخ

عدالت نے سابق وفاقی وزیر فواد چودھری کو گرفتار کر کے عدالت پیش کرنے کا حکم دیتے ہوئے مقدمے کی سماعت 30 جون تک ملتوی کر دی۔

یہ بھی پڑھیں: چین میں تھیلیسیمیا میجر میں مبتلا 4 سالہ پاکستانی بچی عائزہ کا کامیاب علاج

عدالت کا غصہ اور سخت احکامات

دوران سماعت، چالان پیش نہ کرنے پر عدالت نے سخت برہمی کا اظہار کیا اور حکم دیا کہ آئندہ تاریخ پر تفتیشی افسر چالان پیش کریں۔

مقدمے کی تفصیلات

مقدمہ تھانہ اینٹی کرپشن جہلم نے درج کیا تھا، مقدمے میں اراضی حصول کے لیے بھاری رشوت کا الزام ہے۔