ہندوستان میں جنگ آزادی کا آغاز ہو گیا: انگریز سرکار پریشان تھی، فوج کی نقل و حرکت کے نظام کو مضبوط رکھنا چاہتی تھی اور لاہور مرکزی مقام بننے جا رہا تھا۔
مصنف
محمدسعیدجاوید
یہ بھی پڑھیں: بھارت میں چوری کے شبے میں ایک شخص نے اپنی دسویں بیوی کو قتل کردیا
قسط: 147
یہ بھی پڑھیں: لاہور؛ سٹیج ڈراموں میں فحش رقص اور نامناسب لباس پر اداکاراؤں کو انتباہی نوٹس
پنجاب کا علاقہ
پنجاب کا یہ سارا علاقہ میدانی تھا اس لیے یہاں بڑی تیزی اور آسانی سے لائن بچھتی چلی گئی۔ یہ ہی دن تھے جب ہندوستان میں جنگ آزادی کا آغاز ہو گیا تھا جس کی وجہ سے انگریز سرکار بہت زیادہ پریشان تھی اور جلد از جلد بڑے شہروں میں فوج کی نقل و حرکت کے نظام کو قائم اور مضبوط رکھنا چاہتی تھی۔ لاہور اس مقصد کے لیے مستقبل کا مرکزی مقام بننے جا رہا تھا، جہاں سے شمالی، جنوبی اور مغربی علاقوں میں با آسانی رابطہ ہوسکتا تھا۔
یہ بھی پڑھیں: سونے کی فی تولہ قیمت میں 1ہزار روپے اضافہ
لاہور میں ریل کا آغاز
معمول کے مطابق ریل گاڑی کی لائنیں بچھانے کے ساتھ ساتھ ہی ریلوے اسٹیشنوں کی عمارتیں بھی تعمیر ہونا شروع ہو گئی تھیں۔ جس میں سب سے ترجیحی تعمیر تو مرکزی ریلوے اسٹیشن یعنی لاہور کی تھی، اسے مستقبل میں نہ صرف ایک بہت بڑا جنکشن بنایا جانا مقصود تھا بلکہ یہ پنجاب ریلوے کا ہیڈ کوارٹرز بھی بننے جا رہا تھا جہاں سے اس علاقے کے سارے ریلوے نظام کو کنٹرول کیا جانا تھا۔
یہ بھی پڑھیں: پی ٹی آئی نے سانحہ سوات کے لواحقین میں 20،20 لاکھ روپے کے چیک تقسیم کر دیئے
بغاوت کا آغاز
ابھی یہ ریلوے اسٹیشن زیر تعمیر ہی تھا کہ وسطی ہندوستان کے شہر میرٹھ سے حکومت کے خلاف بغاوت کا آغاز ہوا اور یہ شورش آہستہ آہستہ دوسرے شہروں میں بھی پھیلتی چلی گئی۔ خیر اس سرکشی کو تو 1859ء میں کچل دیا گیا تھا مگر قابض انگریز اپنی حکومت کے حوالے سے اب بہت خوف زدہ اور فکرمند ہو گئے تھے۔ لہٰذا انھوں نے ریلوے کے منصوبوں پر جاری کام کو مزید تیز کر دیا اور نئے نئے شہروں میں پٹریاں بچھانے کا کام بھی شروع کروا دیا۔
یہ بھی پڑھیں: افغان بولر نوین الحق نے ایسا اوور کروا دیا کہ شائقین کرکٹ دنگ رہ گئے
1857ء کی جنگ آزادی
1857ء کی اس جنگ آزادی کے فوراً بعد انگریز حکومت کو اس بات کا خدشہ ہو چلا تھا کہ لاہور جیسے بڑے شہر میں بھی اگر وسطی ہندوستان کے دوسرے شہروں کی دیکھا دیکھی کوئی شورش اٹھ کھڑی ہوئی تو اسے سنبھالنا بے حد مشکل ہو جائے گا۔ لہٰذا اسی خدشے کو مدنظر رکھتے ہوئے حکومت نے ریلوے کے حوالے سے دو تین اہم فیصلے کیے۔
یہ بھی پڑھیں: دھی رانی پروگرام: 2755 درخواستیں منظور، ہدف 5000 کر دیا: صوبائی وزیر سہیل شوکت بٹ
لاہور کا مرکزی ریلوے اسٹیشن
طے پایا کہ لاہور کو پنجاب کے علاقے کا مرکزی ریلوے اسٹیشن بنا کر یہاں سے ایک طرف تو لائن کو کراچی تک پہنچایا جائے گا تو دوسری طرف اسی لائن کو شمال میں پشاور تک وسعت دے کر افغانستان کی سرحدوں کے اندر ان علاقوں تک لے جایا جائے گا جہاں انگریز حکومت کی عمل داری تھی۔ یہ اس لیے بھی انتہائی ضروری تھا کہ افغانستان کی طرف سے انھیں ہر وقت بغاوت اور حملے کا خطرہ لگا رہتا تھا۔
یہ بھی پڑھیں: پانڈو اور حاجی پیر سیکٹر میں بھارتی فوج کی بلااشتعال فائرنگ، پاک فوج کی مؤثر جوابی کارروائی
تعمیراتی حکمت عملی
اس کے علاوہ وہ یہ بھی چاہتے تھے کہ کراچی کی بندرگاہ سے درآمدی مال کو وسطی ہندوستان لانے یا باہر لے جانے کے لیے جتنا جلد بھی ممکن ہو لاہور کو امرتسر سے منسلک کر دیا جائے، جہاں سے وہ ہندوستان کے دارالخلافہ دہلی کو جانے والی مرکزی لائن میں ضم ہو جائے اور یوں اس کا رابطہ ہندوستان کے تمام بڑے شہروں سے ہو جائے۔ حکومت ابھی تازہ تازہ جنگ آزادی کو کچل کر فارغ ہوئی تھی اور وہ بجا طور پر ایک اور ممکنہ سرکشی کی وجہ سے کافی محتاط تھی۔
یہ بھی پڑھیں: حکومت امریکا سے تجارتی خسارے کو حل کرنے کیلئے بات چیت چاہتی ہے: وزیر خزانہ
لاہور ریلوے اسٹیشن کی تعمیر
لاہور میں ان کو کسی بھی وقت بغاوت کے بھڑکنے کا اندیشہ تھا، اس لیے لاہور ریلوے اسٹیشن کو بھی انھوں نے ترجیحی بنیادوں پر نہ صرف مکمل کیا بلکہ اس کی انتہائی مضبوط عمارت کو اس انداز میں تعمیر کیا کہ بوقت ضرورت اس کو ایک مضبوط قلعے کے شکل دی جا سکے۔
یہ بھی پڑھیں: پنجاب میں سیلاب سے اموات کی تعداد 118 ہوگئی، 47لاکھ سے زائد افراد متاثر
بغاوت کا خوف
اس کے لیے عمارت کی چھتوں اور قلعہ نما میناروں پر باقاعدہ توپوں اور بندوقچیوں کے لیے مورچے بنائے گئے تھے تاکہ ہنگامی حالت میں اسٹیشن میں قلعہ بندی کر کے باغیوں سے دوبدو مقابلہ کیا جا سکے۔ ویسے بھی اسٹیشن کی یہ عمارت اس وقت کے لاہور شہر کی حدود سے کافی باہر نکل کر بنی تھی، جس کے چاروں طرف آبادی نہ ہونے کے وجہ سے انگریزوں کے جنگجو دستے اور توپچی دور دور تک نظر رکھ سکتے تھے۔
تعمیراتی ترقی
بغاوت تو خیر نہ ہوئی لیکن اس کے خوف سے ہندوستان میں ایک جامع حکمت عملی کے تحت جگہ جگہ ریلوے کے منصوبوں پر تیزی سے کام ہوتا گیا۔ مختلف سمتوں میں مرکزی اور برانچ لائنیں بچھتی چلی جا رہی تھیں، اسٹیشن تعمیر ہو رہے تھے اور دریاؤں، نہروں اور گزر گاہوں پر پُل بنائے جا رہے تھے۔ یہ تعمیراتی کام جو 1850ء میں شروع ہوئے تھے، 1870ء کی دہائی میں پورے عروج پر پہنچ گئے تھے۔
(جاری ہے)
نوٹ: یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔
