میں کیس کی پیروی نہیں کرنا چاہتا، ملزمان کو معاف کردیا ہے، دفاع میں تشدد کا نشانہ بننے والے نوجوان کا عدالت میں بیان

تشدد کا واقعہ

کراچی(ڈیلی پاکستان آن لائن) کراچی کے علاقے ڈیفنس میں تشدد کا نشانہ بننے والے نوجوان نے عدالت میں بیان ریکارڈ کراتے ہوئے کہا ہے کہ میں کیس کی پیروی نہیں کرنا چاہتا، ملزمان کو معاف کردیا ہے۔

یہ بھی پڑھیں: تعلیمی اداروں میں داخلے سے قبل تھلیسیمیا سمیت جینیٹک امراض کے ٹیسٹ لازمی قرار

عدالت میں پیشی

نجی ٹی وی چینل جیو نیوز کے مطابق کراچی کی مقامی عدالت میں ڈیفنس اتحاد کمرشل میں نوجوان پر تشدد کیس کے ملزمان کی درخواست ضمانت پر سماعت ہوئی، متاثرہ نوجوان سدھیر بھی عدالت میں پیش ہوا۔

یہ بھی پڑھیں: ڈیرہ غازی خان میں خاتون سے تعلقات کے الزام پر نوجوان کو رسی باندھ کر پانی میں پھینک دیا گیا پھر کیا ہوا؟ حیران کن انکشاف

نوجوان کا بیان

سدھیر نے عدالت میں بیان دیتے ہوئے کہا کہ میری غلطی تھی، میری موٹر سائیکل کار سے ٹکرائی، میں کیس کی پیروی نہیں کرنا چاہتا، ملزمان کو معاف کردیا ہے، مجھے کوئی اعتراض نہیں، عدالت جو فیصلہ کرے۔

یہ بھی پڑھیں: اے سی سی اجلاس ڈھاکا میں منعقد کرنے پر بھارت کا اعتراض، وجہ سامنے آگئی

سرکاری وکیل کی مخالفت

سرکاری وکیل نے ملزمان کی درخواست ضمانت کی مخالفت کرتے ہوئے کہا کہ ملزمان کے خلاف دھمکیاں دینے اور عورت کی تذلیل کرنے کے تحت مقدمہ درج کیا گیا، یہ دفعات قابل ضمانت نہیں ہیں۔