جنگ میں بھارت کا تماشہ، دنیا نے دیکھا، رافیل ایسے گرے جیسے چڑیا گرتی ہیں: مصدق ملک

بھارت کی روایتی جنگ میں ناکامی

واشنگٹن (ڈیلی پاکستان آن لائن) وفاقی وزیر برائے موسمیاتی تبدیلی و ماحولیاتی ہم آہنگی مصدق ملک نے کہا ہے کہ روایتی جنگ میں بھارت نے ایسی مارکھائی کہ پوری دنیا نے تماشا دیکھا۔

یہ بھی پڑھیں: آپریشن بیان مرصوص نے دشمن کو دہلا دیا، بھارتی سٹاک مارکیٹ کو بڑا دھچکا

مصدق ملک کا بیان

نجی ٹی وی جیونیوز کے مطابق اقوام متحدہ کے دورے پر گئے پاکستانی وفد میں شامل وزیر موسمیاتی تبدیلی مصدق ملک نے جیونیوز سے گفتگو کرتے ہوئے کہا کہ جنگ میں بھارتی رافیل ایسے گر رہے تھے جیسے چڑیا گرتی ہیں۔

یہ بھی پڑھیں: پی ٹی آئی احتجاجی تحریک: مشترکہ پارلیمانی پارٹی اجلاس طلب، علی امین گنڈاپور قافلے کی صورت میں پنجاب روانہ

پاکستان کی جانب سے تحقیقات کا مطالبہ

انہوں نے کہا کہ روایتی جنگ میں بھارت نے ایسی مارکھائی کہ دنیا نے تماشا دیکھا۔ بھارت نے پاکستان پر حملہ کرکے دنیا میں اپنی سبکی کرائی۔ پہلگام واقعے کے بعد ہم نے غیرجانبدارانہ تحقیقات کا کہا، جس پر بھارت نے جنگ کرنے کی دھمکی دی۔

یہ بھی پڑھیں: پاکستان اسکول سپورٹس فیڈریشن کی پہلی الیکٹورل جنرل کونسل میٹنگ، 22 رکنی کابینہ منتخب

بھارتی ہتھیاروں کی خریداری

وفاقی وزیر کا کہنا تھا کہ بھارت کو ہمارے پائلٹس اور ہماری ٹیکنالوجی نے مارا ہے۔ بھارت نے یہ تاثر دیا تھا کہ روایتی جنگ میں ہمارا کوئی ثانی نہیں ہے، جبکہ وہ ہم سے سات گنا زیادہ اسلحہ دنیا سے خریدتا ہے۔

امریکی صدر کا کشمیر کا ذکر

انہوں نے مزید کہا کہ جب سے جنگ بندی ہوئی ہے، امریکی صدر 9 بار کشمیر کا ذکر کر چکے ہیں۔