عدالت نے بچوں کی نازیبا ویڈیو کیس میں گرفتار ملزموں کو 14 روزہ جوڈیشل ریمانڈ پر جیل بھیج دیا

ملتان: بچوں کی نازیبا ویڈیوز بنانے والے گرفتار

ملتان (ڈیلی پاکستان آن لائن) بچوں کی نازیبا ویڈیوز بنا کر ڈارک ویب پر بیچنے کے الزام میں گرفتار دو ملزمان کو عدالت میں پیش کر دیا گیا۔

یہ بھی پڑھیں: عمرہ ویزے کی آڑ میں پہلے سعودی عرب اور پھر غیرقانونی طور پر سمندر کے راستے اٹلی جانے کی کوشش ناکام، 5 مسافر کراچی ایئرپورٹ سے گرفتار

عدالتی کاروائی

نجی ٹی وی دنیا نیوز کے مطابق سینئر سول جج کریمنل ڈویژن احسان صابر نے ملزمان کو 14 روزہ جوڈیشل ریمانڈ پر جیل بھیج دیا۔ نیشنل سائبر کرائم انویسٹی گیشن ایجنسی ملتان نے ملزمان جنید اور عرفان کو گرفتار کیا ہے۔

یہ بھی پڑھیں: چیمپئنز ٹرافی معاملہ، محسن نقوی گزشتہ روز چپکے سے کہاں گئے تھے؟ سینئر صحافی کا تہلکہ خیز دعویٰ

گرفتاری کی تفصیلات

ملزمان کو کوٹ ادو سے گرفتار کیا گیا، جن کی تحویل سے 10 بچے بھی بازیاب کروائے گئے۔ ملزمان بچوں کی نازیبا ویڈیوز بنا کر بلیک ویب پر اپ لوڈ کرتے تھے۔

یہ بھی پڑھیں: جسٹن بیبر کو کیا ہوا؟ تصویر سامنے آنے پر مداحوں میں تشویش کی لہر دوڑ گئی

ثبوت اور تحقیقات

گرفتار ملزموں کے موبائل فونز سے بچوں کی نازیبا ویڈیوز برآمد کی گئی ہیں، جن کے مطابق 50 سے زائد بچوں کا جنسی استحصال ہوا۔ این سی سی آئی اے کے مطابق ویڈیوز جرمن شخص کو فروخت کی گئیں، ملزمان سے ایک ہزار سے زائد پورن ویڈیوز برآمد ہوئی ہیں۔

مزید اقدامات

ملزموں کا نام ای سی ایل میں ڈال دیا گیا ہے، اور ساتھی ملزمان کی گرفتاری کے لئے عدالت سے اجازت لے لی گئی ہے۔