بھارت نے پانی بند کیا تو جنگ ہوگی، وہ جنگ آخری ہوگی: پیر پگارا

پیر پگارا کا بیان

خیرپور (ڈیلی پاکستان آن لائن) گرینڈ ڈیمو کریٹک الائنس (جی ڈی اے) کے سربراہ پیر پگارا نے بھارت کے خلاف جنگ میں پاکستان کی افواج کے ردعمل کو سراہا ہے۔

یہ بھی پڑھیں: ن لیگ کی اوورسیز تنظیمیں پارٹی کو مضبوط بنانے کے لئے اہم کردار ادا کر سکتی ہیں: میاں نصیر احمد

افواج پاکستان کی کامیابیاں

نجی ٹی وی جیو نیوز کے مطابق خیرپور میں درگاہ شریف پیر جوگوٹھ میں حر جماعت سے خطاب کرتے ہوئے گرینڈ جی ڈی اے کے سربراہ پیر پگارا کا کہنا تھا کہ افواج پاکستان کو مثالی کامیابیوں پر عیدالاضحیٰ کی مبارکباد دیتا ہوں، افواج پاکستان نے بھارت کو سبق سکھایا جو اس کے خواب و خیال میں بھی نہیں تھا۔

یہ بھی پڑھیں: عمران خان کی حکومت میں دیگر جماعتوں کی قیادت جیلوں میں تھی اور آج وہ خود جیل میں ہیں، یہ ایک انتقامی تاثر ہے جو ملکی سیاست میں ابھر رہا ہے، مولانا فضل الرحمان

بھارت کے خلاف سخت پیغام

خطاب میں پیر پگارا نے کہا کہ پاک فوج کا جواب بھارت کو عمر بھر یاد رہے گا۔ اگر بھارت نے پاکستان کا پانی بند کیا تو جنگ ہوگی، اور وہ جنگ آخری ہوگی، اس کے بعد بھارت جنگ کے قابل نہیں رہے گا۔

یہ بھی پڑھیں: ایران کے جنوبی علاقے میں 5.5 شدت کے زلزلے کے جھٹکے

ملکی قیادت کے مسائل

پیر پگارا نے کہا کہ ملک میں قومی سطح کا کوئی لیڈر نہیں جو صوبوں کو سنبھال سکے، پاک فوج نے ہی اب تک ملک کو سنبھالا ہے، آئندہ بھی پاک فوج ہی سنبھالے گی۔

تعلیم پر زور

ان کا مزید کہنا تھا کہ حر جماعت کے افراد اپنے بچوں کی تعلیم پر خصوصی توجہ دیں، حر جماعت کے افراد اپنی اولاد کو پڑھا رہے ہیں جس پر ان کو خوشی ہو رہی ہے۔