پوتا پوتی سے دوستانہ رشتہ ہے، ’انور‘ کہہ کر مخاطب کرتے ہیں، انور مقصود

انور مقصود کا دوستانہ تعلق

کراچی(ڈیلی پاکستان آن لائن)لیجنڈری مصنف، ڈراما نگار اور مزاح نگار انور مقصود نے کہا ہے کہ ان کا اپنے پوتے پوتیوں اور نواسے نواسیوں کے ساتھ انتہائی دوستانہ تعلق ہے اور وہ اکیلے میں انھیں نام لے کر مخاطب کرتے ہیں۔

یہ بھی پڑھیں: اپنی بیوی کے لیے تحفہ لانے والا شخص راتوں رات کروڑ پتی بن گیا

گوہر رشید کے پروگرام میں شرکت

ڈان کے مطابق انور مقصود نے حال ہی میں گوہر رشید کے پروگرام میں شرکت کی، جہاں انہوں نے مختلف موضوعات پر کھل کر گفتگو کی۔

یہ بھی پڑھیں: بینک مکرمہ لمیٹڈ کی مزید سرمایہ کاری اور سٹریٹجک اثاثے کی فروخت: مالی استحکام کے عمل میں تیزی اور مستقبل میں بھرپور ترقی کی نوید

تنقید اور اس کے اثرات

ایک سوال کے جواب میں انور مقصود کا کہنا تھا کہ جو لوگ دوسروں پر تنقید کرتے ہیں، وہ ڈرپوک ہوتے ہیں اور وہ دوسروں پر اس لیے تنقید کرتے ہیں کیونکہ جو کام وہ خود نہیں کرسکتے، وہ کسی دوسرے کو بھی کرتا ہوا نہیں دیکھ سکتے۔
ان کے مطابق اگر تنقید کسی باصلاحیت اور متعلقہ شعبے کے ماہر شخص کی ہو تو وہ قابلِ فہم ہوتی ہے، لیکن اگر کوئی ایسا فرد تنقید کرے جسے اس شعبے کا علم ہی نہ ہو تو وہ درحقیقت آپ کی کامیابی سے حسد کررہا ہوتا ہے۔

یہ بھی پڑھیں: ویلڈن سپیشل ہیروز ویلڈن

تعریف کی خطرناکی

انور مقصود نے مزید کہا کہ بعض اوقات تعریف تنقید سے بھی زیادہ خطرناک ہو جاتی ہے، کچھ لوگ آج کل شاعری کی محفلوں میں صرف اس لیے جاتے ہیں تاکہ ان کے ساتھ آئے چالیس کے قریب خوشامدی افراد مسلسل ان کی تعریف کریں، جو کہ بناوٹی محسوس ہوتی ہے۔

یہ بھی پڑھیں: 20 اوورز میں 349 رنز اور 37 چھکے،ٹی ٹوئنٹی میں نیا ورلڈ ریکارڈ قائم

پوتے پوتیوں کے ساتھ رویہ

اپنے پوتے پوتیوں اور نواسے نواسیوں سے متعلق گفتگو کرتے ہوئے انور مقصود نے کہا کہ اُن کے ساتھ اُن کا رویہ ہمیشہ دوستانہ رہتا ہے، وہ اکیلے میں مجھے میرے نام سے پکارتے ہیں۔ جب میں انہیں کہتا ہوں کہ مجھے انور کیوں کہتے ہو، تو وہ پلٹ کر سوال کرتے ہیں کہ آپ ہمیں ہمارے نام سے کیوں پکارتے ہیں؟
انہوں نے مزید کہا کہ وہ ہمیشہ بچوں کے ساتھ دوست بن کر رہتے ہیں کیونکہ ان کے نزدیک دوستی تمام رشتوں سے پہلے آتی ہے۔

یہ بھی پڑھیں: متحدہ عرب امارات کے قومی دن پر پاکستانیوں کی جانب سے امارات کے شیوخ اور عوام کو مبارک باد

پاکستانی معاشرے پر تبصرہ

پاکستانی معاشرے پر تبصرہ کرتے ہوئے انور مقصود نے کہا کہ پاکستان کے مرد بہت کمزور ہیں، کیونکہ اگر آپ دیواروں پر نظر ڈالیں تو وہاں صرف مردانہ طاقت کے اشتہارات دکھائی دیتے ہیں، کبھی بھی خواتین کی طاقت سے متعلق کوئی اشتہار نظر نہیں آتا۔

مردوں کے لیے نصیحت

آخر میں انہوں نے مردوں کو نصیحت کرتے ہوئے کہا کہ مردوں کو چاہیے کہ وہ مرتے دم تک کام کرتے رہیں، کیونکہ وہ اپنے گھروں کے محافظ ہوتے ہیں اور ایک محافظ کی یہ ذمے داری ہوتی ہے کہ وہ اپنی ذمہ داریاں بخوبی نبھائے۔