کرسٹیانو رونالڈو کی کلب ورلڈکپ میں شرکت کی خبروں کی حقیقت سامنے آگئی

رونالڈو کی کلب ورلڈ کپ میں عدم شرکت

جدہ (ویب ڈیسک) دُنیائے فٹبال کے نامور کھلاڑی کرسٹیانو رونالڈو نے اس ماہ ہونے والے کلب ورلڈ کپ میں شرکت کی تردید کردی۔

یہ بھی پڑھیں: میکسیکو میں 3 گاڑیوں کے ٹکرانے سے 15 افراد ہلاک

کلب النصر کا حالیہ معاہدہ

پرُتگال سے کھیلنے والے 40 سالہ کرسٹیانو رونالڈو کا اس ماہ سعودی عرب کے کلب النصر سے معاہدہ ختم ہوجائے گا۔ النصر کلب ورلڈ کپ میں کوالیفائی کرنے میں ناکام رہا ہے۔

یہ بھی پڑھیں: برازیل، فٹبال میچ کے دوران تماشائیوں میں تصادم، ایک شخص کو زندہ جلا دیا گیا

کامیابی کی کمی

رونالڈو کی شمولیت کے باوجود النصر کلب کوئی بھی ٹائٹل جیتنے میں ناکام رہا اور مایوس کن طور پر نہ تو فیفا کلب ورلڈ کپ اور نہ ہی ایشین چیمپئنز لیگ میں جگہ بنا سکا۔

یہ بھی پڑھیں: اسرائیل اور اقوام متحدہ کے درمیان تنازع، عالمی ادارے کے لیے چیلنجنگ سال

فیفا کے صدر کا عندیہ

فیفا کے صدر نے عندیہ دیا تھا کہ اگر النصر کلب ورلڈ کپ کے لیے کوالیفائی نہیں کر سکا تو رونالڈو کسی ایسی ٹیم کا حصہ بن سکتے ہیں جو اس ایونٹ میں شرکت کر رہی ہو، تاہم اب رونالڈو نے کلب ورلڈ کپ میں شرکت کی تردید کردی ہے۔

یہ بھی پڑھیں: ایران میں 8 پاکستانیوں کے قتل پر دفتر خارجہ کا ردعمل سامنے آ گیا

رونالڈو کی وضاحت

رونالڈو کا کہنا ہے کہ وہ کلب ورلڈ کپ میں حصہ نہیں لے رہے، اُن کو کئی کلب کی جانب سے کھیلنے کی پیشکش ہوئی ہے، کچھ کی آفرز اچھی بھی تھیں لیکن آپ ہر چیز نہیں کرسکتے۔

یہ بھی پڑھیں: ٹیسٹ ڈرائیو کے بہانے لاہور کے شہری کی Haval گاڑی چُرا لی گئی، کیسے چکما دیا؟ جانیے اور محفوظ رہیے

سوشل میڈیا پر رونالڈو کی پوسٹ

گزشتہ دنوں سوشل میڈیا پر رونالڈو نے ایک پوسٹ بھی شیئر کی جس میں لکھا، "دی چیپٹر از اوور۔" یہ پوسٹ اُنہوں نے مئی میں النصر کی جانب سے سیزن کا آخری میچ کھیلنے کے بعد کی، تاہم ذرائع کا کہنا ہے کہ کلب کے مطابق وہ رونالڈو کے ساتھ معاہدے کو توسیع دینے میں کامیاب ہوجائیں گے۔

رونالڈو کی شاندار کارکردگی

رونالڈو نے النصر کی جانب سے 111 میچوں میں شرکت کی اور 99 گول اسکور کیے۔ واضح رہے کہ فیفا کلب ورلڈ کپ رواں ماہ امریکا میں شیڈول ہے جس میں 32 ٹیمیں حصہ لیں گی۔