آلائشوں کو ضائع کرنے کے بجائے ان سے کس طرح فائدہ اٹھایا جا سکتا ہے؟

آلائشوں کو کارآمد بنانے کا مشورہ

کراچی (ڈیلی پاکستان آن لائن) ترجمان ہارٹی کلچر سوسائٹی آف پاکستان رفیع الحق نے آلائشوں کو ضائع کرنے کے بجائے انہیں کارآمد بنا کر پودوں کی کھاد بنانے کا مشورہ دیا ہے۔

یہ بھی پڑھیں: شاہِ برطانیہ کے قتل کی ناکام کوشش اور بغاوت کی علامت بننے والے سازشیوں کی سزا

ماحولیاتی آلودگی اور بیماریوں کا خطرہ

نجی ٹی وی جیو نیوز کے مطابق اپنے ایک بیان میں ترجمان ہارٹی کلچر سوسائٹی آف پاکستان رفیع الحق کا کہنا تھا کہ مناسب طریقے سے ٹھکانے نہ لگانے سے آلائشیں ماحولیاتی آلودگی اور بیماریوں کا سبب بنتی ہیں لہٰذا آلائشوں کو ضائع نہ کریں، ان سے پودوں کیلئے کھاد بنائیں۔

یہ بھی پڑھیں: آبی جنگ بھی چھڑ گئی۔۔۔پاکستان جواب اور دفاع کیلئے تیار۔۔۔ بھارت کا پانی بھی رک سکتا ہے ۔۔ بھارتی فوج پر بھی سوالات اٹھنے لگے

زمین کی زرخیزی میں اضافہ

رفیع الحق کے مطابق آلائشوں کو ماحول دوست انداز میں استعمال کر کے زمین کی زرخیزی بڑھائی جا سکتی ہے جبکہ تربیت یافتہ افراد، ادارے، شعبہ باغات اور زرعی ادارے اس میں اہم کردار ادا کر سکتے ہیں۔

یہ بھی پڑھیں: آسٹریلیا کے خلاف پہلا ٹی20، بابراعظم نے دو اہم ریکارڈ اپنے نام کرلیے

کھاد بنانے کا طریقہ

ترجمان ہارٹی کلچر سوسائٹی آف پاکستان رفیع الحق نے کہا کہ آنتیں، گوشت کے ٹکڑے، خون، سبزیوں کے چھلکے، پتوں اور مٹی کو ملا کر کمپوزٹ تیار کیا جا سکتا ہے۔ یہ کھاد کسی بھی پارک کے کونے میں تیار کی جا سکتی ہے۔

یہ بھی پڑھیں: قرآن میرے سرہانے رہتا ہے، روحانی سکون کا ذریعہ ہے: ہالی ووڈ اداکار کا انکشاف

کھاد کی تیاری کے مراحل

انھوں نے کہا کہ کھاد بنانے کیلئے آلائشیں، پتیاں، گھاس اور مٹی تہہ بہ تہہ رکھیں، 40 سے 60 دن میں اعلیٰ معیار کی کھاد تیار ہو جاتی ہے۔

مائع کھاد کا استعمال

رفیع الحق کا مزید کہنا تھا کہ جانوروں کا خون نائٹروجن سے بھرپور ہوتا ہے، جانوروں کے خون کو بطور مائع کھاد استعمال کیا جا سکتا ہے جو پودوں کے لیے بہترین خوراک ہے۔ مائع کھاد سبز پتوں والے پودوں کے لئے مفید ہے۔ مزید برآں جانوروں کی ہڈیوں کو پیس کر "بون میل" بھی بنایا جاتا ہے جو فاسفورس اور کیلشیم سے بھرپور کھاد ہے۔