وزیر اعظم شہباز شریف کا ترکیہ کے صدر سے ٹیلی فونک رابطہ

وزیراعظم شہباز شریف کا عید الاضحی پر ترکی کے صدر کو مبارکباد

اسلام آباد (ڈیلی پاکستان آن لائن) وزیراعظم شہباز شریف نے ترکیہ کے صدر رجب طیب اردوان سے ٹیلیفونک رابطہ کیا اور ترکی کے برادر عوام کو عید الاضحی کی مبارکباد دی۔

یہ بھی پڑھیں: دوران پرواز آدمی نے بزنس کلاس میں بیٹھے بڑی کمپنی کے سینئر ایگزیکٹو پر پیشاب کردیا

ٹیلیفونک گفتگو کی تفصیلات

وزیراعظم نے صدر اردوان کو عید الاضحی کے خوشیوں بھرے موقع پر نیک تمنائیں پیش کیں۔ انہوں نے اپنے حالیہ دورہ استنبول اور لاچین کے دوران ہونے والی ملاقاتوں کا ذکر کیا اور پاک-بھارت بحران کے دوران ترکیہ کی جانب سے پاکستان کی مضبوط حمایت پر ایک بار پھر صدر اردوان کا شکریہ ادا کیا۔

یہ بھی پڑھیں: شہباز شریف سے کسی کو کوئی ذاتی مسئلہ نہیں، مسئلے عمران خان، نواز شریف اور بینظیر بھٹو جیسے عوامی لیڈروں کے ساتھ ہوتے ہیں، فواد چودھری

پاک ترک بھائی چارے کی اہمیت

وزیراعظم نے کہا کہ اس اقدام نے پاکستانیوں کے دل جیت لیے ہیں اور یہ پاک ترک بھائی چارے کی تاریخ میں ایک اور شاندار باب کا اضافہ کرتا ہے۔

یہ بھی پڑھیں: سیالکوٹ میں موبائل چوری کے الزام میں بااثر افراد کا نوجوان پر کیلیں ٹھوک کر بدترین تشدد، جان سے مار ڈالا

دوطرفہ تعاون اور اہم فیصلے

دونوں رہنماؤں نے اپنی پچھلی ملاقاتوں کے دوران کیے گئے اہم فیصلوں پر تیزی سے عملدرآمد پر اتفاق کیا تاکہ دوطرفہ تعاون، خاص کر تجارت اور سرمایہ کاری میں تیزی لائی جا سکے۔ انہوں نے ایک دوسرے کی حمایت کا اعادہ کیا اور غزہ کی صورتحال سمیت تازہ ترین علاقائی اور عالمی پیش رفت پر تبادلہ خیال کیا۔

ترکیہ کے صدر کا شکریہ

صدر اردوان نے عید الاضحی کے موقع پر نیک خواہشات کے لیے وزیراعظم شہباز شریف کا شکریہ ادا کیا اور پاکستانی عوام کے لیے خیرخواہی کے جذبات کا اظہار کیا۔ انہوں نے پاکستان کے لئے ترکیہ کے پختہ عزم کا دوبارہ اعادہ کیا۔