رواں مالی سال کے دوران گدھوں اور مویشیوں کی تعداد میں اضافہ

ملک میں مویشیوں کی تعداد میں اضافہ

اسلام آباد (ڈیلی پاکستان آن لائن) رواں مالی سال کے دوران ملک میں گدھوں اور مویشیوں کی تعداد میں اضافہ ہوگیا۔

یہ بھی پڑھیں: جسٹس سردار سرفراز ڈوگر 8 جولائی کو بطور چیف جسٹس اسلام آباد ہائیکورٹ عہدے کا حلف اٹھائیں گے

اقتصادی سروے کی رپورٹ

نجی ٹی وی سما نیوز کے مطابق اقتصادی سروے رپورٹ کے مطابق ملک میں مویشیوں کی تعداد میں 22 لاکھ کا اضافہ ہوگیا، مویشیوں کی تعداد 5 کروڑ 75 لاکھ سے بڑھ کر 5 کروڑ 97 لاکھ ہوگئی۔

یہ بھی پڑھیں: راستے بند ، تحریک انصاف نے حکمت عملی بدل لی ، لاہور اور دیگر شہروں میں احتجاج کیسے ریکارڈ کروایا جائے گا ؟اہم تفصیلات سامنے آ گئیں

بھینسوں اور بھیڑوں کی تعداد میں اضافہ

سروے رپورٹ کے مطابق زیرجائزہ عرصے کے دوران بھینسوں کی تعداد میں 14 لاکھ کا اضافہ ہوا، بھینسوں کی تعداد 4 کروڑ 63 لاکھ سے بڑھ کر 4 کروڑ 77 لاکھ ہوگئی۔ ملک میں بھیڑوں کی تعداد 3 کروڑ 27 لاکھ سے بڑھ کر 3 کروڑ 31 لاکھ ہوگئی۔

یہ بھی پڑھیں: راولپنڈی: اڈیالہ جیل میں ملاقاتوں پر مکمل پابندی – نوٹیفکیشن جاری

بکریوں اور گدھوں کی تعداد میں اضافہ

اقتصادی سروے کے مطابق ملک میں بکریوں کی تعداد میں 24 لاکھ کا اضافہ ہوا، بکریوں کی تعداد 8 کروڑ 70 لاکھ سے بڑھ کر 8 کروڑ 94 لاکھ ہوگئی۔

دیگر مویشیوں کی صورتحال

ایک سال کے دوران گدھوں کی تعداد میں ایک لاکھ کا اضافہ ہوگیا، گدھوں کی تعداد 59 لاکھ سے بڑھ کر 60 لاکھ ہوگئی، جبکہ گھوڑوں کی تعداد 4 لاکھ اور اونٹوں کی تعداد 12 لاکھ برقرار رہی۔