مالی سال 26-2025 کا وفاقی بجٹ کل پیش کیا جائے گا

اسلام آباد: آئندہ مالی سال 26-2025 کا وفاقی بجٹ

آئندہ مالی سال 26-2025 کا وفاقی بجٹ کل پیش کیا جائے گا۔ نجی ٹی وی دنیا نیوز کے مطابق سپیکر نے وفاقی بجٹ کیلئے قومی اسمبلی اجلاس کے شیڈول کی منظوری دے دی ہے۔

یہ بھی پڑھیں: کچھ لوگ خود لذتی اور آن لائن سیکس کے ذریعے مشکل جذبات سے چھٹکارا کیوں حاصل کرتے ہیں؟

بجٹ کا پیش ہوتا ہوا شیڈول

شیڈول کے مطابق وفاقی بجٹ 10 جون کو قومی اسمبلی میں پیش کیا جائے گا جبکہ 11 اور 12 جون کو قومی اسمبلی کا اجلاس نہیں ہوگا۔ 13 جون کو قومی اسمبلی میں وفاقی بجٹ پر بحث ہوگی، پارلیمانی جماعتوں کو بجٹ کیلئے وقت دیا جائے گا۔

یہ بھی پڑھیں: جنوبی کوریا میں ہفتہ وار چار دن کام کے معاملے میں عوام کی ملی جلی رائے

بحث کا دورانیہ

وفاقی بجٹ پر بحث 21 جون تک جاری رہے گی اور 22 جون کو قومی اسمبلی کا اجلاس نہیں ہوگا۔ 23 جون کو مالی سال 26-2025 کیلئے مختص ضروری اخراجات پر بحث ہوگی۔ 24 اور 25 جون کو مطالبات، گرانٹس اور کٹوتی کی تحاریک پر بحث اور ووٹنگ ہوگی، فنانس بل کی منظوری 26 جون کو قومی اسمبلی سے لی جائے گی۔ مزید برآں 27 جون کو سپلیمنٹری گرانٹس سمیت دیگر امور پر بحث اور ووٹنگ ہوگی۔

یہ بھی پڑھیں: تین بار لینڈنگ کی کوشش ناکام اور فیول صرف 11 منٹ کا، فلائی جناح کے طیارے کی پاکستان میں “معجزانہ لینڈنگ” کی کہانی سامنے آگئی

شیڈول میں تبدیلی کی اجازت

سپیکر سردار ایاز صادق نے واضح کیا کہ قومی اسمبلی کے شیڈول سیشن میں کسی بھی قسم کی تبدیلی ان کی اجازت سے مشروط ہوگی۔

یہ بھی پڑھیں: مظفر آباد کے تمام اسپتالوں میں ایمرجنسی نافذ

وزیر خزانہ کا بیان

یاد رہے کہ گزشتہ روز میڈیا سے گفتگو کرتے ہوئے وفاقی وزیر خزانہ محمد اورنگزیب کا کہنا تھا کہ ایک رات میں سب کچھ تبدیل نہیں کیا جا سکتا، کچھ وقت درکار ہے۔ ہر کوئی تسلیم کر رہا ہے کہ ملکی معیشت میں بہتری آچکی ہے۔

بجٹ میں شامل اقدامات

انہوں نے کہا کہ بجٹ میں ایسے اقدامات کیے جا رہے ہیں جن سے ملک آگے بڑھے گا۔ ملکی معیشت میں جو استحکام آیا ہے اس کو آگے لے کر جائیں گے، کئی اقدامات ایسے کیے جائیں گے جن میں ریلیف اور گروتھ کا عنصر شامل ہے۔