عمران خان کے پولی گراف اور فوٹو گرامیٹک ٹیسٹ کے لیے پولیس کی درخواست مسترد

انسداد دہشتگردی عدالت کا فیصلہ

لاہور(ڈیلی پاکستان آن لائن) انسداد دہشتگردی عدالت نے بانی پی ٹی آئی کے پولی گراف ٹیسٹ اور فوٹو گرامیٹک ٹیسٹ کے لیے پولیس کی درخواست مسترد کردی۔

یہ بھی پڑھیں: پاکستان کو سرمایہ کاروں کے لیے محفوظ ملک بنانے کے لیے پرعزم ہیں، وزیراعظم شہباز شریف کی جاپانی بینک کے عہدیدار سے ملاقات میں گفتگو

پولیس کی ناکامی

لاہور کی انسداد دہشتگردی کی عدالت نے عمران خان کے پولی گراف اور فوٹو گرامیٹک ٹیسٹ کے لیے پولیس کی درخواست مسترد کی اور کہا کہ 2 بار پولیس کو ٹیسٹ کرانے کی مہلت دی گئی، لیکن پولیس ملزم کا پولی گراف اور فوٹو گرامیٹک ٹیسٹ نہیں کرا سکی۔

یہ بھی پڑھیں: ہر جگہ کرپشن عام ہے، سسٹم میں سسٹم عروج پر ہے، اگر سندھ کو مافیا سے بچانا ہے تو ہمیں باہر نکلنا پڑے گا، حلیم عادل شیخ

عدالت کا استفسار

عدالت نے استفسار کیا کہ ملزم کو اپنے آپ کو بے گناہ ثابت کرنے کے لیے 2 چانس دیے گئے، لیکن ملزم کی ضد کی وجہ سے اس نے مواقع ضائع کردیے۔ ملزم کے انکار کے بعد تفتیش کیسے آگے بڑھے گی؟ ملزم کے 2 بار انکار کے بعد تیسرا موقع دینا محض وقت کا ضیاع ہوگا۔

یہ بھی پڑھیں: خیبرپختونخوا میں گیلپ سروے پر عظمیٰ بخاری کا رد عمل بھی آ گیا

منفرد کیس

عدالت نے مزید کہا کہ یہ اپنی نوعیت کا پہلا کیس ہے کہ ملزم اپنی بے گناہی ثابت کرنے سے انکاری ہے، لہٰذا ٹیسٹ کرانے کے لیے مزید موقع کی ضرورت نہیں ہے۔

تفتیش کی ہدایت

بعد ازاں، عدالت نے تفتیشی افسر کو ہر قانونی طریقے سے تفتیش مکمل کرنے کا حکم دیا۔