نیوجرسی سے پاکستانی امریکن شمع حیدر نے تیسری بار بڑی فتح حاصل کر لی

شمع حیدر کی فتح

نیویارک (طاہر محمود چوہدری سے) امریکی ریاست نیوجرسی سے پاکستانی امریکن شمع حیدر ایک سخت مقابلے کے بعد مسلسل تیسری بار سٹیٹ اسمبلی کا اپنا پرائمری انتخاب جیت گئی ہیں۔ شمع حیدر صدر پاکستان آصف علی زرداری کی پولیٹکل سیکرٹری رخسانہ بنگش کی ہمشیرہ ہیں۔ وہ امریکی ریاست نیو جرسی کے اسمبلی ڈسٹرکٹ 37 سے تیسری ٹرم کے لیے ڈیمو کریٹک پارٹی کی جانب سے پرائمری انتخاب لڑ رہی تھیں۔

یہ بھی پڑھیں: بانی پی ٹی آئی سے ملاقات نہ کرانے پر علی امین گنڈاپور کی توہین عدالت کی درخواست پر جیل حکام سے جواب طلب

موجودہ مناصب اور مستقبل کے انتخابات

شمع حیدر اس وقت نیو جرسی سٹیٹ اسمبلی میں اپنی دوسری ٹرم مکمل کر رہی ہیں۔ جو جنوری 2026 میں اختتام پذیر ہوگی۔ تیسری ٹرم کے لیے شمع حیدر کا مقابلہ اب رواں سال نومبر میں ریپبلکن امیدوار سے ہو گا۔

یہ بھی پڑھیں: ملک میں سونے کی قیمت میں مسلسل دوسرے روز کمی، فی تولہ 3 لاکھ 35 ہزار 200 روپے کا ہوگیا

انتخابی نتائج

نیو جرسی کے ڈسٹرکٹ 37 میں سٹیٹ اسمبلی کی 2 نشستوں پر 6 ڈیموکریٹک امیدواروں کے درمیان مقابلہ تھا۔ جن میں سے شمع حیدر نے 22 فیصد ووٹ اور ایلن پارک نے 26 فیصد ووٹ لے کر اپنا پرائمری انتخاب جیت لیا ہے۔