اسرائیل کا ایران پر حملہ، روس نے رد عمل جاری کر دیا

ماسکو کی تشویش

ماسکو (ڈیلی پاکستان آن لائن ) روس نے اسرائیل اور ایران کے درمیان شدید کشیدگی میں اضافے کی مذمت کی ہے۔

یہ بھی پڑھیں: کراچی پھر لرز اٹھا،دو روز میں 11 واں زلزلہ

کریملن کا بیان

روسی خبر رساں ادارے انٹرفیکس کے مطابق کریملن کے ترجمان دمتری پیسکوف نے اسرائیلی حملوں کے بعد صورتحال پر تشویش کا اظہار کیا، پیسکوف کا کہنا تھا کہ دونوں ممالک کے درمیان کشیدگی میں اس اچانک اور شدید اضافے سے خطے میں امن و استحکام کو شدید خطرات لاحق ہو گئے ہیں۔

یہ بھی پڑھیں: محکمہ داخلہ پنجاب میں 55 کروڑ کے خفیہ فنڈ میں بے ضابطگیاں

اسرائیلی کارروائیاں

واضح رہے کہ اسرائیل نے ایران کے جوہری تنصیبات، بیلسٹک میزائل فیکٹریوں اور فوجی کمانڈرز کو نشانہ بنانے کا دعویٰ کیا ہے۔ اسرائیل کے مطابق اس کارروائی کا مقصد تہران کو جوہری ہتھیار بنانے سے روکنا ہے۔

روس کا پیغام

روس نے فریقین پر زور دیا ہے کہ وہ کشیدگی میں کمی کے لیے اقدامات کریں تاکہ خطے میں مزید عدم استحکام سے بچا جا سکے۔