آج اللہ کے فضل و کرم سے کرنٹ اکاؤنٹ سرپلس ہے: عطا تارڑ

کرنٹ اکائونٹ سرپلس کی خبر

اسلام آ باد (ڈیلی پاکستان آن لائن) وفاقی وزیر اطلاعات عطاء اللہ تارڑ نے کہا ہے کہ آج اللہ کے فضل و کرم سے کرنٹ اکائونٹ سرپلس ہے۔

یہ بھی پڑھیں: پاکستان کو گزشتہ مالی سال کے دوران 14 ارب 14کروڑ ڈالرز کی غیرملکی فنڈنگ ملی

پی ٹی آئی کا قومی اسمبلی اجلاس

نجی ٹی وی دنیانیوز کے مطابق قومی اسمبلی اجلاس میں اظہار خیال کرتے ہوئے عطاء اللہ تارڑ کا کہنا تھا کہ قومی اسمبلی اجلاس پی ٹی آئی نے خیبر پختونخوا کے عوام کا وقت ضائع کیا۔

انہوں نے مزید کہا کہ خیبر پختونخوا میں 55 لاکھ بچے سکولوں سے باہر ہیں اور صحت اور تعلیم کے شعبوں کا برا حال ہے۔

یہ بھی پڑھیں: ڈی چوک احتجاج، عمران خان اور بشریٰ بی بی سمیت 96 پی ٹی آئی رہنماؤں کے وارنٹ گرفتاری جاری

پشاور میں سیف سٹی منصوبہ

عطاء اللہ تارڑ نے بتایا کہ پشاور میں سیف سٹی منصوبہ آج تک مکمل نہیں ہو سکا۔ انہوں نے کہا کہ خیبر پختونخوا کے بجٹ میں عوام کو کوئی ریلیف نہیں دیا گیا اور بجٹ میں کوئی ایک منصوبہ بھی انقلابی منصوبہ نہیں ہے۔

یہ بھی پڑھیں: پاکستان اور بھارت کے درمیان اعلیٰ سطح رابطے کا انکشاف، کیا بات چیت ہوئی ؟ جانئے

محصولات کی ریکارڈ مقدار

انہوں نے کہا کہ ایف بی آر نے ملک کی تاریخ میں ریکارڈ محصولات اکٹھی کیں اور شوگر انڈسٹری کے ٹیکس میں تیس فیصد اضافہ ہوا ہے۔

عطاء اللہ تارڑ نے مزید کہا کہ ٹوبیکو مافیا کو شکنجہ ڈالنے کی ضرورت ہے اور کراچی بندرگاہ پر پہلی مرتبہ فیس لیس اسیسمنٹ نظام رائج کیا گیا۔

یہ بھی پڑھیں: آئین مقدس ضرور حرف آخر نہیں، بہتری کیلئے ترامیم ناگزیر ہیں: رانا ثناء اللہ

فیس لیس اسیسمنٹ نظام کی کامیابیاں

وفاقی وزیر اطلاعات ونشریات نے کہا کہ اس نظام کی بدولت چند گھنٹے میں کنٹینر کلیئر کر دیا جاتا ہے۔ ملک کی تاریخ میں پہلی مرتبہ بینکوں پر ونڈ فال ٹیکس لگایا گیا اور وزیراعظم کی ذاتی دلچسپی سے ساڑھے 34 ارب روپے سرکاری خزانے میں واپس آیا۔

یہ بھی پڑھیں: خاموشی سے گاؤں چھوڑنے میں پہل کرنی پڑی، کرپان دو بندوق نہ دو، وہ ٹیسٹ میں فیل ہے، جتھے دار نے وقت مقررّ کیا ہے آپ دخل نہ دیں

ترسیلات زر اور تنخواہ دار طبقے کو ریلیف

انہوں نے کہا کہ آج اللہ کے فضل و کرم سے کرنٹ اکائونٹ سرپلس ہے۔ بانی پی ٹی آئی نے بیرون ملک مقیم پاکستانیوں کو ترسیلات زر بھیجنے سے روکنے کی کوشش کی، مگر اوورسیز پاکستانیوں نے ریکارڈ ترسیلات وطن بھیجیں۔

وفاقی بجٹ میں تنخواہ دار طبقے کو بھرپور ریلیف دیا گیا، جنہیں تنخواہوں میں اضافے کے علاوہ ٹیکس میں بھی رعایت دی گئی۔

یہ بھی پڑھیں: تحریک انصاف نے بشریٰ بی بی کے بیان کی حمایت کرنے سے انکار کر دیا

پاکستان کا ایران کے ساتھ موقف

عطاء اللہ تارڑ نے کہا کہ پاکستان نے اقوام متحدہ کی سلامتی کونسل میں ایران پر اسرائیلی حملے کے خلاف بھرپور موقف اپنایا، جس پر ایرانی مستقل مندوب نے حمایت پر سکیورٹی کونسل میں پاکستان کی تعریف کی۔

انہوں نے کہا کہ پاکستان خطے میں امن کا فروغ چاہتا ہے اور دنیا خطے میں امن کے لئے پاکستان کے کردار کا اعتراف کرتی ہے۔

فلسطینی کاز کا دفاع

عطاء اللہ تارڑ نے مزید کہا کہ فلسطین کے نہتے مسلمانوں کو نہ کبھی بھلایا ہے نہ بھلائیں گے۔ پاکستان نے غزہ کے مسلمانوں پر جاری مظالم کی ہمیشہ مذمت کی ہے، اور فلسطینی کاز ہمارے دلوں کے قریب ہے۔

پاکستان نے ہر عالمی فورم پر فلسطینی بہن بھائیوں کے لئے آواز اٹھائی۔