بنگلہ دیش میں پاکستانی ہائی کمشنر کو اچانک تبدیل کردیا گیا

پاکستانی ہائی کمشنر کی تبدیلی

اسلام آباد(ڈیلی پاکستان آن لائن) بنگلادیش میں پاکستانی ہائی کمشنر کو اچانک تبدیل کردیا گیا۔

یہ بھی پڑھیں: اسلام آباد کی عدالت میں دلچسپ صورتحال، ملزم کی جگہ اس کا دوست حاضری لگانے آیا اور گرفتار ہو گیا

نئے ہائی کمشنر کی تعیناتی

نجی ٹی وی چینل آج نیوز کے ذرائع کے مطابق سید معروف کی جگہ عمران حیدر کو ہائی کمشنر تعینات کر دیا گیا۔ عمران حیدر اس وقت میانمار میں پاکستانی سفیر ہیں، سید معروف کو پہلے ہی ڈھاکہ سے واپس بلایا جا چکا ہے۔

یہ بھی پڑھیں: وزیراعلیٰ پنجاب سے سپیکر ملک محمد احمد خان اور ارکان اسمبلی عاصم میکن اور خرم ورک کی ملاقاتیں

نائب سفیروں کی تعیناتی

ذرائع کے مطابق متعدد ممالک کے لیے پاکستان کے نائب سفیروں کی تعیناتی کی منظوری کے بعد عطیہ اقبال قطر میں پاکستانی نائب سفیر ہوں گی۔

یہ بھی پڑھیں: حالیہ مون سون میں بارشوں کے دوران ملک میں جاں بحق افراد کی تعداد 288 ہو گئی

دیگر اہم تعیناتیاں

ذرائع کا کہنا ہے کہ حسنین یوسف شام کے لیے پاکستانی ناظم الامور جبکہ رومان وزیر جرمنی کے لیے پاکستانی نائب سفیر تعینات کردیا گیا ہے۔

یہ بھی پڑھیں: جامعہ پشاور میں ویلکم پارٹی کے دوران طلبہ کی ماڈلنگ، تحقیقات کے لیے کمیٹی قائم

کینیڈا اور یو اے ای کے لیے تعیناتیاں

ذرائع نے یہ بھی بتایا کہ نعیم چیمہ کو کینیڈا کے لیے ڈپٹی ہائی کمشنر تعینات کیا گیا ہے اور ڈی جی فوزیہ احمد یو اے ای کے لیے نائب سفیر ہوں گی۔

ڈی جی اور قونصل جنرل کی تعیناتیاں

عطیہ اقبال اس وقت ڈائریکٹر جنرل برائے امریکہ تعینات ہیں، الیاس محمود نظامی جلد ہی نائب سفیر امریکہ چلے جائیں گے، اویس خان قونصل جنرل قندھار چلے گئے اور فید امجد کو قونصل جنرل برمنگھم تعینات کیا گیا۔