ایرانی فوج کا اسرائیلی شہریوں کے لیے پیغام

ایران کی نکتہ چینی

تہران(ڈیلی پا کستان آن لائن) ایران کی مسلح افواج نے اسرائیل میں رہنے والے شہریوں کو متنبہ کیا ہے کہ وہ حساس علاقوں کے قریب جانے یا رہنے سے گریز کریں۔ ایرانی سرکاری ٹی وی پر نشر ہونے والے ایک ویڈیو بیان میں ایرانی فوج کے ترجمان نے کہا کہ ہمارے پاس مقبوضہ علاقوں میں واقع اہم اور حساس تنصیبات کا مکمل ڈیٹا موجود ہے۔ آپ سے اپیل کرتے ہیں کہ اسرائیلی حکومت کی جانب سے خود کو انسانی ڈھال کے طور پر استعمال نہ ہونے دیں۔

یہ بھی پڑھیں: راولپنڈی؛ 7 سالہ بچی سے زیادتی اور قتل کے الزام میں گرفتار ملزم ہلاک

ایرانی فوج کا سخت انتباہ

ایرانی فوج کے ترجمان نے کہا کہ اسرائیلی حملوں پر ایران کا ردعمل مقبوضہ علاقوں کے ہر حصے کو اپنی لپیٹ میں لے گا۔ شہری اس وارننگ کو سنجیدگی سے لیں اور ان علاقوں کو چھوڑ دیں کیونکہ یہ علاقے مستقبل قریب میں ناقابلِ رہائش ہو جائیں گے۔

تازہ ترین میزائل حملے

ایرانی فوج کی جانب سے یہ بیان نشر کیے جانے کے ساتھ ہی ایران نے اسرائیل پر ایک بار پھر میزائل داغ دیے۔