قائمہ کمیٹی نے سولر پر 18 فیصد ٹیکس ختم کرنے کی سفارش کردی

قائمہ کمیٹی کی اہم سفارش

اسلام آباد (ڈیلی پاکستان آن لائن) قائمہ کمیٹی نے سولر پر 18 فیصد ٹیکس ختم کرنے کی سفارش کردی۔

اجلاس کی تفصیلات

نجی ٹی وی سما نیوز کے مطابق سلیم مانڈوی والا کی زیرصدارت سینیٹ کی قائمہ کمیٹی خزانہ کا اجلاس ہوا۔ قائمہ کمیٹی نے سولر پر 18 فیصد ٹیکس ختم کرنے کی سفارش کی۔ کمیٹی کے اراکین نے کہا کہ بجٹ سے پہلے مخصوص لوگوں نے سولر امپورٹ کرکے ذخیرہ کرلئے، اور بجٹ میں سولر کی درآمد پر اچانک 18 فیصد ٹیکس عائد کر دیا گیا۔

چیئرمین کا موقف

چیئرمین سلیم مانڈوی والا نے سولر پر ٹیکس واپس لینے کا مطالبہ کردیا۔ انہوں نے کہا کہ پی آئی اے کو نئے طیاروں کی لیز پر سیلز ٹیکس سے استثنا دیا گیا، جو کہ ایک امتیازی قانون ہے، ورنہ یہ تمام ایئر لائنز کے لیے ہونا چاہئے۔ یہ تجویز جیسے ہی پاس ہوگی، عدالت میں چیلنج ہو جائے گی۔

ایف بی آر کا جواب

اس پر چیئرمین ایف بی آر نے کہا کہ ہوائی جہاز کو کیپٹل گڈز کے طور پر لینے سے ایئرلائن متاثر ہوتی ہے۔ اس تجویز پر اٹارنی جنرل سے بات کر کے دوبارہ کمیٹی میں لائیں گے۔