فیلڈ مارشل کی امریکہ آمد پاکستان کی فتح کی دعوت تھی: مشعال ملک

حریت لیڈر مشعال ملک کا بیان

اسلام آباد (ڈیلی پاکستان آن لائن) حریت لیڈر یاسین ملک کی اہلیہ مشعال ملک نے کہا ہے کہ فیلڈ مارشل کی امریکہ آمد پاکستان کی فتح کی دعوت تھی، واشنگٹن میں پاکستان کی گونج پر دشمن تڑپ اٹھا ہے۔

یہ بھی پڑھیں: امریکی سپریم کورٹ کا ڈی پورٹ کیے گئے شخص کو سرکاری خرچ پر واپس لانے کا حکم

امریکہ میں عشائیہ

نجی ٹی وی دنیا نیوز کے مطابق اپنے بیان میں مشعال ملک کا کہنا تھا کہ یہ صرف ایک ظہرانہ نہیں، یہ پاکستان کی عزت، کشمیریوں کی آواز اور مودی کے جھوٹ کے منہ پر ایک زوردار طمانچہ تھا۔ فیلڈ مارشل عاصم منیر نے دنیا کو دکھا دیا کہ پاکستان نہ صرف ایک طاقت ہے، بلکہ سچ بھی ہے۔

یہ بھی پڑھیں: نیپرا نے کے الیکٹرک کا اوسط ٹیرف 39روپے 47پیسے مقرر کردیا

پاکستان کی عزت اور عالمی تسلیم

انہوں نے کہا کہ امریکہ نے فیلڈ مارشل عاصم منیر کے اعزاز میں عشائیہ دے کر دنیا کو پیغام دیا ہے، دنیا نے مان لیا کہ پاکستان کی بات میں سچائی ہے۔ امریکہ نے ثابت کر دیا کہ وہ پاکستان کی عزت کرتے ہیں، مودی کا چہرہ لٹک گیا، دنیا اب پاکستان کے ساتھ کھڑی ہے۔

یہ بھی پڑھیں: بھارت نے بین الاقوامی قوانین کی دھجیاں اڑائیں ، اب بات برابری کی بنیاد پر ہو گی: حافظ نعیم الرحمان

پاکستان کی طاقت

ان کا کہنا تھا کہ فیلڈ مارشل عاصم منیر نے ثابت کیا کہ پاکستان جھکتا نہیں، جھکا دیتا ہے، واشنگٹن میں پاکستان کی گونج پر دشمن تڑپ اٹھے، بھارتی میڈیا کی چیخیں نکل آئی ہیں کیونکہ پاکستان سرخرو ہوا۔

سکون اور امن کا پیغام

مشعال ملک نے مزید کہا کہ پاکستان امن چاہتا ہے اور دنیا نے اس بات کو مان لیا ہے۔ فیلڈ مارشل عاصم منیر کا وژن دنیا کے دل جیت رہا ہے، پاکستان اب تنہا نہیں، دنیا ہمارے ساتھ ہے۔ مودی سرکار کو سمجھ آ گئی کہ کشمیر پر اب سچ بولنا پڑے گا، فیلڈ مارشل کی امریکہ آمد پاکستان کی فتح کی دعوت تھی۔