میٹا کا فیس بک میں ایک اہم تبدیلی کرنے کا اعلان

فیس بک میں میٹا کی نئی تبدیلی

نیویارک (ویب ڈیسک) میٹا کی جانب سے فیس بک میں ایک اہم تبدیلی کرنے کا اعلان کیا گیا ہے۔

یہ بھی پڑھیں: لنڈے کے کپڑوں پر 200 روپے فی کلو ٹیکس پر تاجر بلبلا اٹھے

ویڈیو شیئرنگ سسٹم کی تبدیلی

نجی ٹی وی میٹا کی جانب سے فیس بک میں ویڈیو شیئرنگ کے سسٹم کو تبدیل کیا جا رہا ہے۔ ابھی جب آپ کسی ویڈیو کو شیئر کرتے ہیں تو ریلز (مختصر ویڈیو) یا طویل ویڈیو کی شکل میں پوسٹ ہوتی ہے اور دونوں کا شیئرنگ ورک فلو مختلف ہے۔ میٹا کی جانب سے ایک بلاگ پوسٹ میں بتایا گیا کہ آنے والے مہینوں میں فیس بک پر تمام ویڈیوز ریلز کے طور پر شیئر ہوں گی۔

یہ بھی پڑھیں: دنانیر مبین کی نئی ویڈیو؛ سوشل میڈیا صارفین برہم

ویڈیوز کی اقسام کا ہب

بلاگ پوسٹ میں بتایا گیا کہ فیس بک کا پلیٹ فارم بدستور ہر طرح کی ویڈیوز جیسے مختصر، طویل اور لائیو ویڈیوز کا ہب ہوگا۔ کمپنی کے مطابق بتدریج ہم پوری دنیا میں پروفائلز اور پیجز میں ویڈیوز کو ریلز میں بدل دیں گے۔

یہ بھی پڑھیں: پاکستان اور سعودی عرب کے درمیان معاہدے سے بھارت اور اسرائیل میں صف ماتم بھچی ہوئی ہے: مشاہد حسین سید

ریلز ویڈیوز کے دورانیے کی تبدیلی

میٹا کی جانب سے فیس بک میں ریلز ویڈیوز کے دورانیے کی پابندی کو بھی ختم کرنے کی منصوبہ بندی کی جارہی ہے۔ ابھی فیس بک میں ریلز ویڈیو کا دورانیہ 90 سیکنڈز تک محدود ہے۔ میٹا کی جانب سے ویڈیو ٹیب کا نام بھی تبدیل کرکے ریلز ٹیب کر دیا جائے گا۔

یہ بھی پڑھیں: اسلام آباد ہائیکورٹ کی بلڈنگ کے پرفارمنس آڈٹ میں سنگین بے ضابطگیوں کا shocking انکشاف

سجیسٹ کی جانے والی ویڈیوز

کمپنی نے بتایا کہ اس اپ ڈیٹ سے آپ کو سجیسٹ کی جانے والی ویڈیوز میں کوئی تبدیلی نہیں آئی گی جن کو آپ کی دلچسپیوں کو مدنظر رکھ کر سجیسٹ کیا جاتا ہے۔

ثقافتی اثرات کا مقصد

فیس بک ویڈیوز کے لیے یہ تبدیلیاں اس وقت کی جا رہی ہیں جب کچھ عرصے قبل مارک زکربرگ نے کہا تھا کہ وہ فیس بک کو ثقافتی طور پر زیادہ بااثر بنانا چاہتے ہیں۔