ایران اسرائیل جنگ میں امریکی شمولیت کا خدشہ، مشرق وسطیٰ میں امریکہ کے فوجی اڈے کہاں قائم ہیں؟

ایران اسرائیل جنگ میں امریکی شمولیت کے خدشات

قا ہر ہ (ڈیلی پاکستان آن لائن) ایران اسرائیل جنگ میں امریکی شمولیت کے خدشے اور صدر ٹرمپ کی ایران سے غیر مشروط طور پر ہتھیار ڈالنے کی دھمکی! کیا مشرق وسطیٰ جنگ کی لپیٹ میں آ جائے گا؟

یہ بھی پڑھیں: امریکا کی جانب سے اسرائیل کو تسلیم کرنے کا کوئی دباؤ نہیں: سفیرِ پاکستان رضوان شیخ

ایران کی تنبیہات

نجی ٹی وی جیونیوز کے مطابق ایران نے پہلے ہی خبردار کر دیا ہے کہ کسی بھی تیسرے ملک کے ایران پر حملے کے سنگین نتائج ہوں گے۔ جانتے ہیں کہ اس خطے میں امریکہ کہاں کہاں موجود ہے۔

یہ بھی پڑھیں: دنیا کے سب سے بڑے دبئی مال میں ولی عہد نے تمام افراد کے کھانے کا بل ادا کر دیا

مشرق وسطیٰ میں امریکی فوجی موجودگی

امریکا نے مشرق وسطیٰ میں گزشتہ کئی دہائیوں سے مستقل فوجی موجودگی برقرار رکھی ہوئی ہے۔ تازہ ترین اعداد و شمار کے مطابق مشرق وسطیٰ میں 19 سے زائد مقامات پر امریکہ کے فوجی اڈے قائم ہیں جن میں تقریباً 40 سے 50 ہزار فوجی اہلکار تعینات ہیں، ان میں سے 8 مستقل فوجی اڈے ہیں۔

یہ بھی پڑھیں: اسلام آباد میں جو کچھ ہوا ٹھیک نہیں تھا، پی ٹی آئی میں سب دہشت گرد نہیں: حسن مرتضیٰ

امریکی فوجی اڈے

امریکی تھنک ٹینک کونسل آن فارن ریلیشنز کے مطابق، امریکی مستقل اڈوں میں بحرین، مصر، عراق، اردن، کویت، قطر، سعودی عرب اور متحدہ عرب امارات شامل ہیں، باقی اڈے وقتی نوعیت، یا اسٹریٹجک مقاصد کے لیے استعمال ہوتے ہیں.

کٹر کی العدید ایئربیس

امریکی نمایاں فوجی اڈوں میں سے ایک قطر کی العدید ایئربیس ہے جہاں مشرق وسطیٰ میں سب سے بڑا امریکی فوجی اڈہ 1996 میں قائم کیا گیا، یہاں تقریباً 10 ہزار امریکی فوجی موجود ہیں، یہ اڈہ سینٹ کام (CENTCOM) کا فارورڈ ہیڈکوارٹر ہے اور عراق، شام اور افغانستان میں امریکی کارروائیوں کا مرکزی مرکز رہا ہے۔

بحرین کا نیول سپورٹ ایکٹیویٹی

دوسری اہم نیول سپورٹ ایکٹیویٹی بحرین میں قائم ہے۔ امریکی بحریہ کا یہ اڈہ جو سابقہ برطانوی اڈے ایچ ایم ایس جفیئر کی جگہ قائم کیا گیا، یہاں تقریباً 9 ہزار دفاعی اہلکار تعینات ہیں اوریہ US Navy’s Fifth Fleet کا گھر ہے۔

کویت سٹی کے قریب کیمپ عریفجان

کویت سٹی سے 55 کلومیٹر جنوب مشرق میں کیمپ عریفجان اڈہ 1999 میں تعمیر کیا گیا۔ یہ امریکی فوج کی لاجسٹکس، سپلائی اور کمانڈ کا اہم مرکز ہے۔

متحدہ عرب امارات میں الظفرہ ایئربیس

متحدہ عرب امارات میں الظفرہ ایئربیس ایک سٹریٹجک فضائی اڈہ ہے، جو خفیہ معلومات جمع کرنے اور F-22 ریپٹروں سمیت جدید طیاروں اور ڈرونز کی پروازوں کے لیے استعمال ہوتا ہے۔

اربیل ایئربیس

اس کے علاوہ شمالی عراق اور شام میں امریکی فضائی کارروائیوں کے لیے استعمال ہونے والا اڈہ اربیل ایئربیس ہے، جہاں امریکی فوجی کرد اور عراقی فورسز کی تربیت اور مشاورت بھی کرتے ہیں۔