عمران خان کی رہائی کے متعلق ریلیف عدالتوں سے لیں گے: بیرسٹر گوہر

عمران خان کی رہائی کے حوالے سے بیان

اسلام آباد (ڈیلی پاکستان آن لائن) چیئرمین پی ٹی آئی بیرسٹر گوہر نے کہا ہے کہ عمران خان کی رہائی کے متعلق ریلیف عدالتوں سے لیں گے۔

یہ بھی پڑھیں: خاتون کو جنات کی جانب سے اغوا کرنے کا مقدمہ، پولیس افسران نے بازیابی کیلئے سرجوڑ لیے

ڈیل کا کوئی امکان نہیں

وفاقی دارالحکومت میں نجی ٹی وی دنیا نیوز سے گفتگو کرتے ہوئے بیرسٹر گوہر کا کہنا تھا کہ بانی پی ٹی آئی نے کہا تھا کوئی ڈیل نہیں کروں گا، ڈیل کا کوئی جواز اور امکان نہیں ہے۔ انہوں نے مزید کہا کہ عمران خان یا تحریک انصاف نے کبھی کسی ملک سے تعاون کی التماس نہیں کی۔

یہ بھی پڑھیں: پاکستانیز ان دبئی PID کے زیر اہتمام ٹیپ بال کرکٹ ٹورنامنٹ سیزن 8 عجمان میں 7اور 8 دسمبر کو ہو گا.

عدالتوں کی صورتحال

انہوں نے کہا کہ جو ریلیف ملے گا وہ آئین اور قانون کے مطابق عدالتوں سے لیا جائے گا۔ عدالتیں بہت مشکل حالات میں کام کر رہی ہیں، ہم نے کبھی بانی پی ٹی آئی کی رہائی کے لئے نئی امریکی انتظامیہ سے امیدیں نہیں لگائیں۔

یہ بھی پڑھیں: سب کو رضاکار بن کر قوم کو مشکل سے نکالنا چاہیے، امیر جماعت اسلامی حافظ نعیم الرحمان

ایران کے ساتھ اظہارِ یکجہتی

چیئرمین پی ٹی آئی کا کہنا تھا کہ ہمارے وفد نے ایرانی سفارت خانے کا دورہ کیا ہے، ہم نے ایران کے ساتھ اظہارِ یکجہتی کیا ہے اور ایران میں ہونے والی اموات پر تعزیت کی۔

اسرائیل کی جارحیت کی مذمت

بیرسٹر گوہر کا مزید کہنا تھا کہ ہم نے ایرانی سفیر کو بتایا کہ پاکستانی حکومت، اپوزیشن اور عوام سب آپ کے ساتھ کھڑے ہیں، ہم نے اسرائیل کی جارحیت کی مذمت کی ہے۔