سکیورٹی کونسل ایران اور اسرائیل کے درمیان سیز فائر کیلئے اپنا کردار ادا کرے: پاکستان

پاکستان کی اقوام متحدہ میں ایران-اسرائیل سیز فائر کی اپیل

نیو یارک (ڈیلی پاکستان آن لائن) اقوام متحدہ میں پاکستان کے مندوب عاصم افتخار نے کہا ہے کہ سکیورٹی کونسل ایران اور اسرائیل کے درمیان سیز فائر کے لیے اپنا کردار ادا کرے۔

یہ بھی پڑھیں: نیشنل سائبر کرائمز انویسٹی گیشن ایجنسی کے تمام پرانے افسران کوعہدوں سے ہٹا دیا گیا

اقوام متحدہ کی سلامتی کونسل کا اجلاس

نجی ٹی وی جیونیوز کے مطابق جمعہ کو اسرائیل ایران جنگ پر اقوام متحدہ کی سلامتی کونسل کا اہم اجلاس ہوا۔

یہ بھی پڑھیں: عمران خان احتجاج کو سنگجانی منتقل کرنے پر راضی ہوئے تھے یا نہیں؟ شیر افضل مروت کا تہلکہ خیز انکشاف

پاکستان کا ردعمل

اقوام متحدہ کی سلامتی کونسل سے خطاب کرتے ہوئے پاکستانی مندوب عاصم افتخار کا کہنا تھا کہ پاکستان ایران کے خلاف اسرائیلی جارحیت اور غیر قانونی اقدامات کی مذمت کرتا ہے۔ انہوں نے کہا کہ پاکستان اسرائیل اور ایران تنازع کا پُرامن حل چاہتا ہے، کیونکہ اسرائیلی جارحیت سے خطے کے امن کو شدید خطرات لاحق ہیں۔

یہ بھی پڑھیں: اوگرا نے ایل پی جی کی قیمت میں کمی کردی، گھریلو سلنڈر 69 روپے 44 پیسے سستا ہوگیا

سکیورٹی کونسل کی ضرورت

پاکستان مندوب نے کہا ہے کہ سکیورٹی کونسل ایران اور اسرائیل کے درمیان سیز فائر کے لیے اپنا کردار ادا کرے۔ انہوں نے مطالبہ کیا کہ سفارت کاری کو ایک موقع اور دیا جائے اور دونوں فریقین فوری بات چیت کی طرف آئیں تاکہ صورتحال قابو سے باہر ہونے سے پہلے امن کے قیام کو یقینی بنایا جائے۔

عالمی برادری کا کردار

عاصم افتخار نے مزید کہا کہ اسرائیلی حملے اقوام متحدہ کے چارٹر کی خلاف ورزی ہیں، اور ہم اسرائیلی جارحیت کے خلاف اپنے ایرانی بھائیوں کے ساتھ کھڑے ہیں۔ انہوں نے کہا کہ ایران کے نیوکلیئر پروگرام کا مسئلہ ڈائیلاگ کے ذریعے حل کیا جائے اور عالمی ایٹمی توانائی ایجنسی کو غیر جانب دارانہ طور پر کام کرنا چاہئے۔