اوورسیز پاکستانیوں کے لیے 5 سال پرانی گاڑی پاکستان لانے کی اجازت

اوورسیز پاکستانیوں کے لئے نئی گاڑیوں کی درآمد کی پالیسی

اسلام آباد (ویب ڈیسک) ستمبر 2025 سے اوورسیز پاکستانی پانچ سال پرانی گاڑی پاکستان لاسکیں گے۔ ان گاڑیوں پر چالیس فیصد اضافی ڈیوٹی عائد ہوگی مگر بیگیج سکیم کے تحت لائی جانے والی گاڑیوں پر یہ ڈیوٹی لاگو نہیں ہوگی۔

یہ بھی پڑھیں: راولپنڈی ڈویژن میں 5روزہ انسداد پولیو مہم کا افتتاح

وزارت تجارت کی بریفنگ

وزارت تجارت حکام نے قائمہ کمیٹی کو گاڑیوں کی سکیم سے متعلق بریف بھی کیا ہے۔ سینیٹ قائمہ کمیٹی خزانہ کا اجلاس سینیٹر سلیم مانڈوی والا کے زیر صدارت ہوا۔ اجلاس میں وزارت تجارت حکام نے بریفنگ میں بتایا کہ بیگیج سکیم کا فائدہ اٹھانے کے لیے سات سو دن کی اوورسیز رہائش ضروری ہوگی۔

یہ بھی پڑھیں: پاکستان اور ملائیشیا کے مابین قیدیوں کی منتقلی کا معاہدہ نہ طے پا سکا

مستقبل کی کار درآمد کی حکمت عملی

2027 کے بعد سات سال پرانی گاڑی کی درآمد بھی ممکن ہوگی اور اضافی ڈیوٹی بتدریج ختم ہو کر صرف نارمل ڈیوٹی رہ جائے گی۔

یہ بھی پڑھیں: آسٹریلیا کیخلاف پہلے ون ڈے کیلئے پاکستان نے پلئینگ الیون کا اعلان کردیا

سینیٹ خزانہ کمیٹی کا ردعمل

سینیٹ خزانہ کمیٹی نے وزارت خزانہ کی ترامیم مسترد کردی۔ پبلک فائنانس مینجمنٹ ایکٹ میں ترامیم پر غور ہوا، کمیٹی نے مجوزہ ترامیم مسترد کردیں۔ وزارت خزانہ سے کہا گیا کہ نئی ترامیم تحریری صورت میں ڈرافٹ کرکے پیش کی جائیں۔

سینیٹر انوشے رحمان کی تجاویز

سینیٹر انوشے رحمان نے آڈٹ کے دائرہ اختیار، سرپلس منافع اور آئیڈیل کیش پر سوالات اٹھائے۔ انہوں نے کمپنیز کو پی ایف ایم اے میں شامل کرنے اور آڈیٹرز جنرل کو ہر ادارے کا آڈٹ کرنے کا مکمل اختیار دینے کا مطالبہ کیا جس پر وزارت خزانہ نے اتفاق کیا۔ کمیٹی نے ہدایت دی کہ تمام ادارے اپنی رقوم قومی خزانہ میں جمع کروائیں۔