ایران کا ایٹمی پروگرام تباہ کردیا، امریکی وزیردفاع

ایران کا ایٹمی پروگرام تباہ

و ا شنگٹن(ڈیلی پاکستان آن لائن) امریکی وزیردفاع نے کہا ہے کہ ہم نے ایران کا ایٹمی پروگرام تباہ کردیا، ایران نے جواب دیا تو گذشتہ رات سے زیادہ سخت جواب دیا جائے گا، خطے میں امریکی مفادات کا تحفظ کریں گے۔

یہ بھی پڑھیں: اگلا میچ جیتنا ہے، یہ بھی دیکھ رہے ہیں کہ نیوزی لینڈ ٹیم اپنے میچز ہارے، شاہین آفریدی

پیٹ ہیگسیتھ کی بریفنگ

ڈان ے مطابق امریکی وزیردفاع پیٹ ہیگسیتھ نے امریکی ایئرچیف کے ہمراہ بریفنگ دیتے ہوئے کہا کہ ہم نے ایران کا ایٹمی پروگرام تباہ کردیا ہے، اگر ایران نے جواب دیا تو گزشتہ رات سے زیادہ سخت جواب دیا جائے گا۔

یہ بھی پڑھیں: ایران کے شہر گراش میں 4.3 شدت زلزلے کے جھٹکے محسوس کیے گئے

ایران کی جوہری ہتھیاروں کی کوششیں

انہوں نے کہا کہ ہم نے کئی بار کہا کہ ایران ایٹمی ہتھیار حاصل نہیں کرسکتا، اگر ایران نے حملہ کیا تو بھرپور جواب دیں گے۔

یہ بھی پڑھیں: رفاہ انٹرنیشنل یونیورسٹی کا 2 روزہ کانووکیشن شروع، 2860 طلباء کو ڈگریاں دی جائیں گی، فلسطینی طلباء بھی شامل

آپریشن 'مڈانائٹ ہیمر'

وزیردفاع پیٹ ہیگسیتھ نے کہا کہ کارروائی کا مقصد ایران میں رجیم چینج نہیں تھا، فردو تنصیبات بنیادی ہدف تھیں اور مطلوبہ نتائج حاصل کرلیے ہیں۔

امریکی ایئرچیف نے تفصیلات بیان کرتے ہوئے کہا کہ گزشتہ رات صدر کی ہدایات پر آپریشن ’مڈانائٹ ہیمر‘ لانچ کیا گیا، اس دوران 3 جوہری تنصیبات کو نشانہ بنایا گیا، ایرانی دفاعی نظام ہمارے طیاروں کو نہیں دیکھ پایا۔

یہ بھی پڑھیں: سکردو میں لینڈ سلائیڈنگ کی زد میں آ کر 5 افراد جاں بحق

حملے کی تفصیلات

انہوں نے کہا کہ آپریشن مڈنائٹ ہیمر کے دوران ایران میں 2 مقامات پر 14 میسیو آرڈیننس بم استعمال کیے گئے، اور اصفہان تنصیبات پر 2 درجن سے زائد ٹام ہاک میزائل داغے گئے۔

یہ بھی پڑھیں: 14 سے 16 جون کے دوران بیشتر علاقوں میں آندھی، بارش، ژالہ باری کا امکان

امریکی طیاروں کی شمولیت

امریکی ایئر چیف نے کہا کہ آپریشن مڈنائٹ ہیمر میں 145 امریکی طیاروں کے علاوہ آبدوزوں نے بھی حصہ لیا، جبکہ ایران پر حملے میں 7 بی ٹو بمبار طیارے بھی شامل تھے۔

یہ بھی پڑھیں: سرکاری فنڈ سے ریسٹورنٹ میں مہنگے کھانے، کروشیا کی سابق وزیر جیل پہنچ گئی

حملے کا وقت اور حکمت عملی

انہوں نے کہا کہ ایرانی وقت کے مطابق 2 بج کر40 منٹ پر فردو تنصیبات پر حملہ کیا گیا، حملے میں کمیونیکیشن کا کم سے کم استعمال کیا گیا، سٹرائیک پیکیج کو مختلف کمانڈ سینٹرز کی مدد حاصل تھی۔

یہ بھی پڑھیں: ایران میں پھنسے پاکستانی طلبا و طالبات کا قافلہ تہران سے روانہ

ایران کے جوہری عزائم کا خاتمہ

ایئر چیف نے کہا کہ ایران کے جوہری عزائم خاک میں مل چکے ہیں، اس کا براہ راست یا پراکسی کے ذریعے حملہ برا فیصلہ ہوگا، خطے میں امریکی اہلکاروں اور مفادات کی حفاظت کریں گے، اس وقت بھی متعدد امریکی طیارے فضا میں موجود ہیں۔

خفیہ مشن کا ذکر

امریکی حکام نے کہا کہ ایران پر حملہ انتہائی خفیہ مشن تھا اور صرف چند لوگ اس بارے میں جانتے تھے، انہوں نے کہا کہ صدر ٹرمپ امن چاہتے ہیں اور ایران کو اس راستے پر چلنا ہوگا۔