اسپورٹس بورڈ کا ظہرانہ مذاق بن گیا؛ ہاکی ٹیم کے کپتان کی معذرت

کپتان عماد بٹ کی عدم شرکت

لاہور(ڈیلی پاکستان آن لائن) قومی ہاکی ٹیم کے کپتان عماد بٹ نے ناکافی سفری اخراجات کا حوالہ دیتے ہوئے پاکستان سپورٹس بورڈ (پی ایس بی) کی جانب سے دیئے گئے ظہرانے کی دعوت میں شرکت سے معذرت کرلی۔

یہ بھی پڑھیں: بندوق کے نظریئے کو قبول کرنے کو تیار نہیں ، سیسہ پلائی دیوار کی طرح کھڑے رہیں گے: وزیر اعلیٰ بلوچستان

سفری اخراجات کی ناکافی مقدار

پاکستان سپورٹس بورڈ (پی ایس بی) نے اسلام آباد سفر کیلئے قومی ہاکی ٹیم کے کپتان کو 5 ہزار 600 فراہم کیے، تاہم عماد شکیل نے دعوت کو مسترد کرتے ہوئے جواب دیا کہ اتنے پیسے تو ٹول کی ادائیگی پر لگ جاتے ہیں۔

یہ بھی پڑھیں: آپریشن بنیان مرصوص نے پوری دنیا میں پاک فوج کی دھاک بٹھا دی: حمزہ شہباز

مدعو کھلاڑیوں کی فہرست

پی ایس بی کی جانب سے قومی ہاکی ٹیم کے محض 6 کھلاڑیوں کو ظہرانے میں مدعو کیا گیا تھا، جن میں سفیان خان، رانا وحید، عبداللہ، منیب الرحمان، اور حنان شاہد شامل تھے۔

یہ بھی پڑھیں: یہ طاقت نہیں بزدلانہ فعل ہے، فواد خان، ماہرہ خان سمیت پاکستانی اداکاروں کی بھارتی حملے کی شدید مذمت

دیگر کھیلوں کے نمائندگان

اس ظہرانے میں دیگر کھیلوں کے افراد میں جیولن تھرو اولمپئین ارشد ندیم اور کامن ویلتھ گیمز کے گولڈ میڈلسٹ ویٹ لفٹر نوح دستگیر بٹ قابل ذکر ہیں۔

قومی ہاکی ٹیم کی کارکردگی

خیال رہے کہ قومی ہاکی ٹیم نے نیشنز ہاکی کپ کے فائنل کیلئے کوالیفائی کیا، جہاں انہیں نیوزی لینڈ سے شکست کا سامنا کرنا پڑا، تاہم اس ایونٹ میں پاکستان کی مجموعی کارکردگی ناقابل یقین رہی تھی۔